كيفكم يابنات ....
اكيد مستغربين من العنوان وتقولون مين ...؟
اقصد.. زوجي
مدري انا ساعات يجيني تفكير كيف لو حملت وجبت ولد بيتغير كل شي بصير اهتم بولدي وانسى زوجي وزوجي حنوون ومن النوع اللي كل شي ولا عياله بيهتم بولده وينساني ...؟
انا زوجي امه وابوه متوفين .. وانا امي متوفيه وهو معوضني حنان الام وحنان الاب والاهل كلهم ..الحمد لله ما شاء الله ..وانا نفس الشي معوضته الحمد لله احيانا احسه ولدي:35: من كثر ما اقلق عليه ..
حياتنا زي اي زوجين فيها المشاكل والاختلاف بس نرجع لبعض لان مالنا الا بعض ..
مدري احس خلاص اذا فكرت انه ممكن احد يسرقه مني او يسرقني منه اقول مابي عيال كذاا احسننننننن:04:انا عياله
انا اهم ما عنده ويشتق لي كني ضناه.. ماشاء الله ..وهو اهم ماعندي ..
مدري والله احس ان الحياة كذا حلوه بدون اطفال غفلنا عنها ..وصرنا نكدر على انفسنا ونضيع لحظات حلوه بالهم والتفكير والكدر ومافكرنا نعوض بعض ونحن على بعض وننسى الحمل لين ربي يجيبه..
خلاص انا من اليوم ورايح ماراح افكر واهتم ابدا ..الحياة كذا حلوه ..خليني اصير بنت زوجي وزوجي يصير ولدي..
وانا اصير امه ..وهو يصير ابوي ..نعوض بعض ..ونستمتع بالحياة ..
مره كنت افكر سرحانه وافكر اذا جاني ولد وتذكرت يووووو اذا جاني ولد اشيااء كثيره بفقدها ..
اقلها اني انشب لزوجي اذا جا بيروح بقاله ولا يجيب اي شي لو بيودي ثيابه المغسله اقووول بروح معك تكفى وانشب له واروح خفيفه بلحالي ماعندي مسؤولية احد ..
حتى سوق السمك ههههههه
مقدر اروح له ومعي بزر..:icon33: بيختنق من الريحه
والطفل بيربطني ويعيق حركتي وطلعاتي
احس بفقد اشياء كثيره ما استمتعت فيها وماحسيت بطعمها ..حتى السفر ..اسافر بلحالي بدون قلق وصياح وتعب ..
لو بطلع فندق او اغير جو مع زوجي برتبط بطفل ..وماراح استمتع...:mad:
انا اقول وكلامي هذا ناتج من تفكير بوضعي الحين ووضعي بعد الطفل..صح اني متشفقه وبموت على الحمل ..لاني من طبعي وقبل ما اتزوج احب اني اقوم بدور ام واحب الاطفال ..
بس ..خلي الموضوع لحد ماربي يجيبه ..وخليني استمتع بحياتي وبوحدتي مع زوجي وبسنين العسل..<<الحمد لله غيرنا شهر عسل ومامداها الا حملت وبدت الصيحه والحنه والمسؤوليه لكن انا وانتم عندنا سنوات عسل ووناسه وحريه بدون مسؤليه ..:35:هع
خلنا نستمتع ونحس بقيمة وقتنا وربنا كريم الايام جايه ..
ياترى من توافقني الرأي....؟؟؟؟
توضيح بسييط
انا مقصدي من الكلام هذا اننا نستمتع بالحياة ونشوف الجانب الحلو من تاخر حملنا..ومانخلي اليام هذي تروح بالهموم والتفكير والاحساس بالنقص بالعكس .. ..وبنفس الوقت نبحث ونسعى للعلاج مو اني مابغى اولاد ابدا.. لا
وفي ظلم لنفسك من ناحيه..بس مهما حسيت براحه مع زوجك وعاش هو نفس الشعور لابد يجي يوم من الايام يتمنى يجيه طفل يشيل اسمه ويبر فيه اذا كبر..
والمرا ه معروف ان سنها في الانجاب محدود بزمن معين ووقته معلوم..والرجل سبحان الله لا عمر له ووقت له في الانجاب..
ولو مضى اكثر من سنتين على الاقل في عدم الحمل فهي كافيه لبحث عن طفل تأنسون بوجوده ومسؤولياته..
والرجل مهما صبر فمستحيل ان يعيش بدون اطفال خاصتآ اذا كان السبب من الزوجه..
وهذه فطرة الله التى فطر الناس عليها
(( ان خلقناكم من ذكر وانثى وجعلناكم شعوبا وقبائل لتعارفوا))
والاهم هو التوافق في تربية الانباء ومرعاة حق الزوج كاملا
هذا رائي ووجهة نظري ارجوا ان تكون مقبوله