ابغى الطلاق؟؟؟؟؟؟؟؟

حياتي لاتستعجلين حاولي قد ماتقدرين إنك تحلين الأمور معاه

صارحيه قوليله كل شي بخاطرك

حببي نفسك فيه وإذا مره يأستي وكل شي سويتيه ومافاد

مالك غير تستخيرين وتحاولين تبعدين عنه فتره شوفي حياتك كيف من غيره

إذا قدرتي تعيشينها القرار لك حسيتيها بتكون صعبه أرجعيله

والله يهدي سرك حبيبتي ويكتب لك اللي فيه الخير

الله يسخركم حق بعض .. ويرزقك بالذرية الصالحة
طيب جربي حطي سئيات زوجك وحسناته .. في ورقة وشوفي شاللي يغلب ..مب معقولة يكون شخص كله سيئات .. المشكلة ان احنا دايما نحاسب الناس وما ننظر لانفسنا .. الواحد يحاول يغير في نفسه اولا .. قعدي معاه جلسة هادية وشوفي .. شيشوف فيك .. شاللي الاشياء الي تخليه يعصب وتتهاوشون .. حطوا قوانين في هواشاتكم والتزموا فيها .. ذا انتي عصبية .. خل يروح بعيد عنج لين ما تهدين والعكس .. ما اعتقد ان زوجك يحب الحالة اللي انتي فيها ومستانس على الهواش طول الوقت .. والريال ترى نفس البيبي يبيلج صبر وتعب معاه ..
وبالنسبة للحمل انا فاهمة شعورج بس .. انتي عليج بالرقيا الخاصة بالعقم والاسقاط بتلاقينها في النت .. واكتمي خبر حملج قد ما تقدرين .. واقري دايما سورة مريم .. واستغفري قد ما تقدرين .. وان شاء الله تبشرينا ببيبي عقب كم شهر

الله يجزاك خير....................انا خايفه من الناس وشماتتهم..........

مافيه صبر الا بعده الفرج

(يمكن الله يختبرك بسالفة التسقيط للجنين بيشوف تصبرين ولا لاء)

خلي ايمانك قوي (ان الله يمهل ولا يهمل)

اتمنى لك كل خير اختي

والله ياأختي الحياة يبغالها صبر وفعلا حاولي تحبيه وانظريله نظرة عاشق واضحكي وانبسطي وفرفشي في حياتك وشوفي كيف حيكون معاك وتجنبي المشاكل والصراخ وحاولي تطلعين معاه تتعشوا والا تتمشوا ولاتنسين القرررررررررررررررررررررران وبالنسبة للحمل اصبري وابحثي عن علاج والله يسعدك ويرزقك الذرية الصالحة وراحة البال