ابغى خطيبي يرجعلي .......

كيفكم يابنات
صدقوني لما اقولكم الدنيا ضايقة عليا وماني عارفة اشور مين في مشكلتي وقلت مافي احد غيركم ممكن يفهمني ...
حبيباتي مشكلتي انو انا وخطيبي اتخطبنا عن حب واهلي فرحو في خطوبتي لاني البنت الوحيدة في العيلة اللي اتخطبت :(
وعملولي شبكة ماشالله كبيرة والكل كان يتكلم عنها لغاية هنا كل شي تمام:) ....
بعد الشبكة بفترة حسيت انو بدأ يتغير عليا صار بس ينام ومايبغى يخرج ودايما متضايق وانا جاتني حالة نفسية صرت اضحك وابكي في نفس الوقت زي المجانين غير الضيقة وصرت اقرف منو واشوف وجهو اسود وماني طايقتو وفوق هادا كلو الدورة صارت لما تجيني اعوذ بالله تقطع بطني بالرغم من انو قبل ماانخطب الحمدلله ماكنت احس بيها ....
الزبدة انو قعدنا فترة وانا ماني قادرة اقابلو او اشوفو اعوذبالله احس في شي ينفرني منو مع اني كنت احبو واموت فيه وفضلنا على دا الحال سنة الين مااصريت انا على الانفصال :(
وهنا المشكلة انو اهلي طاوعني على قراري بالرغم انو في ناس قالو لماما انو هادا ممكن يكون حسد او سحر
والمشكلة التانية انو انا حسيت براحة والامراض اللي عندي والم الدورة راح بعد ماسيبتو ورجعت الذكريات واكتشفت اني لسه احبو ومااقدر استغنى عنو ...
وحصل تواصل بيننا بالمسجات وصار يقولي انو يبغى يرجعني وفتح الموضوع مع مامتو وهي رفضت الموضوع بشدة وصار يقولي كلميها انتي وانا كمان رفضت عشان لاتعايرني هيا في يوم من الاياام
انا دحين محتارة ماني عارفة ايش اسوي حاسة ان الدنيا ضايقة عليا واللي تعبني زيادة اني عرفت انو كلم بنات وكون علاقات انا خايفة عليه قد مااحبو
يابنات الله يخليكم ادوني طريقة اقدر ارجعلو فيها ويقنع امو بحيث اني اقدر احفظ كرامتي واصونها
انا عارفة اني طولت عليكم بس متأكدة انو املي مايخيب فيكم