ابغى دكتوره شاطره في المدينه 😑

السلام عليكم ورحمه الله وبركاته


خواتي تبغى اسم دكتوره شاطره في المدينه بس تكون في مستوصف عشان السعر يكون ارخص.
روحت الاهلي مدحولي سمر بس ماعجبتني اخلاقها وبس تبالغ في الامور وترعب الوحده مع انها شاطره لكن اخلاقها لا تعليق وتحب 💰 .
روحت البكاري عند دكتوره مريم مادري ما احسها فاهمه وماعليها زحمه لكن اللي القاهم عندها يمدحونها وخالتي ماتراجع غير عندها لكن مرا متوكله على الله وتبغاني اتكاليه زي مثلا المشيمه نازله جزئيه قالت مع الوقت ترتفع وماقالت لي ارتاح ولا شي واللي اعرفه انه لازم راحه تامه، قولت لها ظهري و بطني من تحت تعورني وبس تمغصني فخفت تكون تنبيهات لولاده مبكره فكشفت سونار ولقت كل شي تمام وماقالت لازمك راحه، تنزل معاي افرازات صفرا واخذت مسحه وحللت وطلع فيه التهاب قالت عادي الوضع يجي لكل حامل الالتهاب وجات ماتبغى تكتب لي مضاد فسألتها عنه فكتبت لي الانبوبي منه.
روحت المواساه عند ماجده كويس شغلها لكن غالي كل شي عندهم يعني في كل كشف لازم ندفع 800 بدون تحاليل.
فياليت تقولون اي مستوصف حلو وتمام بطمن وبعرف ايش جنس البيبي غثوني فيه بالله كلها شهرين اللي باقيه لي فساعدوني.


ومين جربت مستوصف المدينة الطبي اللي في سلطانه قريب من سوق المدينه الدولي