ابغى رد شافي

كل عام وانتم بخير وعساكم من عواده
بنات امر في ظرف مؤلمه تالمني لحد اني اشعر ان حياتي مثل الشي البالي هل في اسوء من الشعور بالندم ؟؟؟؟؟؟
راح اقول قصتي واللي ابغاه مومواساه ابغى رد على اسئلتي
اللي صار انا موظفه وانتقلت لمنطقه عمل زوجي (مدرسه) وكانت المدرسه تبعد عن البيت مسافه ساعه الاربع جلست في المدرسه خمس سنين المديره مشكلجيه من الدرجه الاولى الطالبات الله يهديهم ما احب اتكلم عن بنات الناس لكن قسم بالله ما انا عندهم الاخادمه لا والله حاشا الخادمه نكن لها كل احترام يعني المدرسه خايسه راح تقولون وش اللي صبرك خمس سنوات ؟؟ اللي صبرني صديقاتي
ابغى اتكلم عنهم والدمعه تخنقني حبيت الحياه معاهم حسيت ان الدنيا فيها شي حلو اذا بكيت القى من يمسح دمعتي واذا فرحت القى من يفرح لفرحي تعلمت منهم حاجات كثيره كنازي الاسره وكانو من الاولاويات في حياتي يامحلى لمتنا كنا نسوي المستحيل علشان نفرح وما تتكدر انفسنا كل شي ناخذه بالمزح كل واحده فينا سند للثانيه لدرجه لما واحده فينا تشتري اي شي تجيبه تورينا ونقول راينا زي الاخوات بالضبط
اللي صار زوجي اصر اني انقل علشان البعد والمشوار ويجلس يلح ويلح الى ان قدمت نقل وفي خاطري متاكده انا اسمي ماراح يطلع في النقل وكانت الطامه طلع اسمي وما قدرت اقدم عدول ورحت المدرسه الجديده ( قبر ) المديره ماترد السلام الى الان ما قد شفت الوكيله المعلمات يرد علي الجدار ما ردوا وانا من طبعي مرحه وقل ما قلت شي انكت الاقيهم يطالعون فيني باستغراب (يمه يمه ) وارجع اسكت حاولت اتقرب مافي فايده كل واحده ماسكه الاب توب وتطقطق عليه والكلام بالحبه ينقل للمديره والحسد على ودنو والدنيا والله ما هي متحمله انا نعيش في نكد كلنا نحب العمل وكلنا نشتغل ونادي اللي علينا بس مو لذي الدرجه وكل اللي ينقال في الغرفه كم عندك حصه ؟ مين عندك ذلحين ؟ في وصلت في المنهج ؟ وش سويتي في الدرس الفلاني؟ خلاص خلاااااااااااااااااص
راح تقولون انا واحده مهمله همي الهرج والدجه راح اقول لاوالله بالعكس لكن ما احب الجديه زياده عن اللزوم حياتنا ماتتحمل
بالعربي ما ارتحت معهم اروح وانا ابكي وانام وانا ابكي في البيت كل شويه اتضارب مع زوجي الابداع اللي عندي راح المرح اللي فيه انقتل ارجع البيت وانام ولما اصحى ما لي خلق اسوي ولا شي ما عندي طموح انا مبدعه في كل شي ولله الحمد كله راح راااااااااااااح الصداع فقع راسي والهم ذبحني والندم ااااااااااه من الندم ليه نقلت ؟؟؟؟
الى الان ماعندي دفتر تحضير وكل شي اسويه باهمال حتى دفتر درجات ماعندي ولولا الخوف من الله ما دخلت الحصص تعبانه حدي كل ما اتذكر صاحباتي ابكي واكلمهم كل اليوم من المدرسه واقول حطوا الاسبيكر علشان اسمع صوتكم كلكم واكلمهم وانا ابكي بحرقه لاني مشكاتي اني اجتماعيه ما اقدر اعيش من دون ما احب احد واكون علاقات احس ان وجود اصدقاء في حيياتنا نحبهم دافع للحياه والاستمتاع بها احب الناس احبهممممممممممم
فلت خلاص باخذ اجازه والكل هب فيني علشان ما حبيتي المعلمات تاخذين اجازه ؟؟؟؟
طيب راح اظلم بنات الناس ماابغى ارحومني اخاف يجيني الضغط ولا اي بلوه ثانيه من الهم
اللي ابغاه هل انا معايه حق ولا لا ؟؟؟؟؟؟؟
هل بالفعل اللي صار معايه علشان انا فارقت صديقاتي ؟؟؟؟
الكل معارض الاجازه وماهم دارين باللي في قلبي تعبت
هل انا عندي مشكله اني ارتبط بلناس بقوه ويصير من الصعب فراقهم ؟؟هل انا اللي وحيده عندي هذي المشاعر ؟؟؟؟؟؟ جاوبوني وريحوني