ابغى مساعدة في قاعدة التشيزكيك

جربي تقللي كمية الزبدة يعني حطي ثلاثة أرباع أصبع زبدة والباقي حطي قشطة أو قيمر... وفيه بيحطوا مربى بس المربى بتخليه حلو كتير.

حبيبتي اش رايك تجربي تقللين كمية الزبده .. انا كنت اعاني من نفس المشكله وصرت استخدم ثلاثة ارباع اصبع الزبده وما احطها بالفرن .. وصارت مضبوطه .. جربيها وان شا الله تنجح معك .. ملاحظه .. انا استخدم اي بسكوت وماهو شرط دايجستيف ..

أنت قصدك بتخبزي البسكوت لحاله بدون الخلطة؟؟؟ ما فيه داعي... لما تخلطي البسكوت مع الزبدة افرديهم في الصينية وبعدين حطيهم في الثلاجة لحد ما تعملي خليط الجبن وبعدين حطي خليط الجبن فوق البسكوت، يعني ما فيه داعي لخبز خليط البسكوت.

حبيبتي انا امزج بين نوعين من البسكويت نص الكميه دايجستف والنص التااني بسكويت الزبده الفرنسي LUواحط تلاته ارباع قالب زبده ....القوالب الرفيعه113 جم ...وملعقه كبيره سكر نااعم... ودا يخلي البسكوت مايلتصق ببعضو وكمان لما تطحني البسكويت لاتخليه نااعم بالمره خليه شويا محرشف ووحطي عليه خلطه التشيز كيك مباشره وع الفرن بدل ماتخبزيه لوحدو وكمان لما تقدمي التشيز كيك قدميه نص باارد يعني خرجيه قبل التقديم بفتره من التلاجه
وانشالله حتحصلي على نتيجه طيبه

السلام عليكم ورحمة الله وبركاته
تعرفي يا عسل انا كمان كنت اعاني من نفس المشكلة
لكن بعدين في مرة من المرات جربت طريقة الحلا حق الفمتو للأخت ام نونا الله يعطيها الف عافية
وفيها طبقة بسكوت مع زبدة وحليب قليييييل
والله مرة تطلع رهيبة علشان كدا اعتمدت هادي قاعدة البسكوت هادي حتى مع التشير كيك ومع اي حلا يبغالو قاعدة بسكوت
جربيها بس خدي المقادير مظبوط من موضوع الاخت ام نونا