ابغى منكم استشاره ياامهات ضروري

السلام عليكم ورحمة الله
أخواتي ابغاكم تساعدوني وتشورون عليه بنتي تدرس ثاني ثنوي وشاطره في دراستها مشكلتها صديقاتها مره أخلاقهم مو كويسه حاولت أبعدها عنهم بدون فايده المدرسه قريبه من البيت حاولت مع أبوها انقلها لمدرسه ثانيه. رفض قلتله ابغى أبعدها عن صديقاتها علشان مايخربونها قال لأعاد تروح معهم موراضي يفهم صار اكثر من موقف بين لي ان السبب صديقاتها حتى مديرتها تقول بنتك باين انها متربيه بس مشكلتها الشله الي تروح معهم مره منفتحين قلت وش الحل قالت انقليها قبل يخربونها والله إحنا ماقدرنا فيهم وأهاليهم مره مومتعاونين معنا جلست مع بنتي والله دايم اسولف معها كأني أختها يعني مافيه بيني وبينها حواجز نصحتها منهم من حركاتهم وان تربيتها غير عنهم قالت ماعندي غيرهم وبعدين انا اجلس معهم بس ماراح اسوي مثلهم قبل فتره اتصلو علي مدرستها قالو مسكنا معهم جوال وفيه الرقام شباب وبنتك معهم جأت البيت تبكي وتقول ان ماله دخل في الجوال ونه تبعى صديقاتها وصدقتها وقلتلها أني وثقه فيها وأنها ماهي راعية هالحركات المهم على عيد الفطر قالت ابغى جوال كل صديقاتي وبنات أقاربي معهم جوالات حتى الي الصغر مني ليش انا ومن هالكلام شريت لها جوال وحطت الرقام صديقاتها قبل يومين دخلت صدفه وجوالها في الشحن وحاطته على الصامت ولا اشوف اتصل من رقم بدون اسم رديت قال الو وانا ساكته قال اسم بنتي مرتين ليش ماتردين قلت نعم سكر في وجهي اتصلت عليه قفل جواله جأت قالت وشفيك وليش اخذتي جوالي واجهتها بكت وصاحت وأنكرت وجن جنونها تقوال ماعرفه وانتي والثقه فيه مستحيل اسوي كذا معلومه دايم تجلس على الجوال وترسل سألتها من ترسلين قالت هاذي خدمه شابك اسوالف مع صديقاتي زي الشات بس خاص لصديقاتي صدقتها طبعا أخذت الجوال وزعلت منها قلت قال اسمك وش معناه قالت يمكن غلطان اخذته منها وتركتها على اخر الليل دق جوالها طلع رقم بدون اسم وغير الاول مارديت ارسل رساله قال انا عبدالله ليش يا فلانه ماتردين اسم بنتي انا الي معكم في شابك خلاص تأكدت انها يقصد بنتي والله بغيت انجن جلست معها وعطيتها الجوال شافته بكت والله الي يشوفها ويسمع كلامها مايصدق انه يطلع منها هذي الحركات قالت والله مو انا لاتصدقين قالت امكن وحده من صديقاتي. دخلته معنا وانا ماعرف وعرف اسمي من سوالفنا طبعا انا بس اسمع تبريراتها ومصدومه قلتلها جوال مافيه ونسي باقي اعطيك قالت وصديقتي وش اقول لهم قلت مو شغلي قالت خلاص برسل من جوالك لهم وقول جوالي احترق ارسلت لهم ونتهى الموضوع هنا بس انا ماني مرتاحه ومصدومه من حركاتها ماني مصدقه بنتي الهاديه المحترمه تسوي كذا هي اخر شي قالته لي لاتزعلين مني ولا عاد جابت سيرة الجوال ولاكانها سوت شي بس الحزن باين في وجهها انا الحين ابغى شوركم وش اسوي معها ابغى افتح جوالها بس مابغى اطلعها كذابه عند صديقاتها وبعدين أخاف تاخذ من صديقاتها جوال بدون مادري وش اسوي معها ويخربونها اكثر حتى لونقلتها مدرسه ثانيه تطلع من الثانويه ويتقابلون في الجامعه يعني ماهو حل الله يصلح لكم ذريتكم ردو علي ظروري