ابنى جاله إمساك و مقفلة من كل ناحية...

السلام عليكم و رحمة الله و بركاته
إزيكم و إزاى ولادكم؟؟؟ يا رب بألف صحة و سلامة...
أنا ابنى الصغير عنده أربع شهور بالظبط... بيرضع طبيعى... الحقيقة من أول ما أتولد لم يتبرز غير يمكن تانى يوم بالليل... بس بعد كده كان معقول... كان بياخد رضعة شاى أعشاب ميلوبا و بيعمل براز مرتين أو تلاتة فى اليوم... و بعدين بقى بيعمل مرة واحدة فى الغالب و أنا بغيرله على الحوض لما الميه الدافيه بتيحى على بطنه شويه... و بعدين مرة واحدة قرر مش هياخد الببرونة تانى... و يصرخ صريخ رهيب لما أحطها فى بقه... من ساعتها بقت تعدى أيام من غير ما يتبرز خالص... قلت أديله الميلوبا بالقطارة... أعد يعيط لدرجة إنى لما خلصت 25 مل راح مرجع كل اللى فى بطنه...جربت معاه موضوع قطنة الأذن و عليها فازلين... ومرة عليها زيت زيتون... برده مفيش فايده... بشربه ميه لكن مبتعملش أى فرق... لما بيعدى تلات أربع أيام بقيت بديله لبوس جلسرين بيروح متبرز علطول بس يرجع تانى زى ما كان... و أنا مش عايزاه يتعود على اللبوس... أخته الكبيرة سنة و تسع شهور مكنتش كده خاااااالص... كمان أنا خايفة لما أبدأ معاه أكل الموضوع يزيد L
أنا قريت ناس تقول ده عادى و ناس تقول ده يسبب عفونة بالبطن و ناس تقول ده محتاج توسيع لفتحة الشرج...
بصراحة عندى ظروف تخلى مشوار الدكتور مش سهل...
أنا عندى سؤالين... أولا... هو فى حاجة أنا ممكن أكلها أو أشربها تسهله العملية؟؟؟ علما إنى معنديش إمساك خالص...
ثانيا... يا ريت إلى عدت عليها الحالة دى تطمنى... لو كتير ولادهم كانوا كده يبقى إن شاء الله ده طبيعى... مش كده؟؟؟
و ميرسى مقدما يا عسولات ...