ابني المراهق .. الرجاء المساعده (عنوان معدل)

هذي المشكله موجوده بكل بيت

انا قريت ودرست عن المراهقين ودايما يقولون لج صادقيهم!!!
لكن لين جيتي تطبقين هالكلام يكون صعب جدا جدا وودج تضربينهم لأنهم صج صج يحرون ويحرقون القلب

مافي الا الصبر عليهم والله انهم بلوى من بلاوي الدنيا

أهلين إختي ..

طبعاً هذهِ المشكله موجوده في أغلب البيوت وللأسف هذهِ المشكله ما جت إلا من تربيه الوالدين

لأنهم هم الأساس في تربيه الطفل من الصغر .. يعني ..

إذا تعامل الوالدين وفق منهج تربوي وهو عباره عن تحفيز الطفل إذا عمل الصواب
ومعاقبه الطفل عند إرتكابه للخطأ

وبما إن هذا المراهق وصل لمرحله العناد ورأيه هو الصواب وحتى إن كان على خطأ

فمن رأيي معاملته بذكاء أي أنكِ تبدئين من الصفر في تربيته

وأول وسيله هي الحرمان لأن الحرمان سيجعله يتحفز لعمل الصواب لكي يستحوذ على مراده المحروم منه

فيا إختي حاولي أن تسيطري على أعصابكِ في محادثته

وتكلمينه على إنه رجل عاقل وكبير ووصل لمرحله إنه يعرف الصح ومن الخطأ

إجعلي منه شخصيه قياديه بحكمتكِ

وإدعي له دوماً ودائماً

أتمنى لكِ ولهذا المراهق التوفيق إن شاء الله

تباسكو,,,,,,,,جزاك الله خيرا لمرووورك ومع الصبر على قولتك ياليت فيه علاج

دبدوب حبوب,,,,,,أسعدني مرورك ومشورتك ووالله التربيه ولله الحمد كانت سليمه منذ الصغر يعني ماكان فيه دلع أبد بس مدري ليه الولد إنقلب 180 درجه بعد ماوصل سن المراهقه مع إنه كان ولد مطيع محترم مؤدب يسمع الكلام هذا اللي متعبني والله,,,,

عزيزتي

المراهق مثل ما كنا عارفين هي مرحلة إنتقالية من الطفولة إلى النضج
في هذي المرحلة صادقيه وإن قال لج شي ما يرضيج .... استحملي وابتسمي ... واتناقشي معاه ... أهم شي ما تبينين له إنه هو على خطأ
لا تنصحين المراهق بصيغة مباشرة
لكن حاولي مثلاً تتناقشين مع أي حد كبير في الموضوع إللي تعتقدين إن هذا المراهق ممكن يقدم عليه
إذا تكلمتي لا تسردين الموضوع وتسكتين
لكن خلي في حوارج مقدمة - عقدة - حل المشكلة
لا تحاولين مراقبة المراهق عن قرب
ابتعدي عن كلمات إنت غلطان - لا تسوي
ترى يرتفع ضغطه صج ... ويعاند
بالنسبة لقلة لأدب
اسمحي لي هذا يعتمد على التربية في الصغر
لو كان مامحصل فرصة لقلة الأدب ... ما كان يتجرأ الحين
لكن ممكن تعقدين إتفاق معاه
صارحني أكون لك صديقة
ساعدني أساعدك
حسسيه بالأمان ... وعطيه يوم يحتاج
فهميه قلة الأدب مرفوضة .... لأن الرجل العاقل .... ما يتقوى على منهم أضعف عنه
ولا يقل أدبه على منهم أكبر منه
عطيه بعض المسؤوليات وحسسيه إنه كبر بالفعل وإنتي حاسه بهذا الشي...
لكن كل شي بحدود ....
فهميه إنج قادره على عقابه .... لكن لأن هو في نظرج رجل .... فإنتي ماتحبين تستخدمين معاه هذا الأسلوب إلا إذا كنتي مظطره
ناقشي الأب في كل صغيرة وكبيرة ولاتخبين عيه شي
بس لا يحس المراهق إنج قاعده توصلين أخباره للأب
وفي نفس الوقت حسسيه بوجود أبوه ... وإن الأب إذا عرف مابيرضى بالتصرفات الخاطأة .... وإنتي غير مسؤوله عن اي شي يسويه
عطي المراهق مساحة للرفض والقبول واحترام الرأي
أتمنى في النهاية فهمتي شي من إللي قلته ;)