ابني عمره 13 سنه أنصحوني

السلام عليكم ورحمة الله وبركاته

حبايبي اليوم كنت اقرى موضوع الأخت الإجابيه (الله يوفقها)

http://forum.hawaaworld.com/showthread.php?t=1167797

واستفدت كثير وبنفس الوقت حيرتني

استفدت واخذت خبره لبنتي إذا كيبرت ***** الله

وحيرتني وشلون اتعامل مع ولدي اللي كمل 12 سنه ونص

كم مره أكلم ابوه انه لازم تتناقش معه عن هالمرحله <<لكن أذن من طين واذن من عجين ...والسبب أن الأب نفسه مايدري وشلون يفاتح ابنه ولاهنا ثقافه <<يالله تخلف علينا وعلى مجتمعنا


فقررت أني أبدا انا بنفسي وما انتظر لين يضيع


بكلمكم شوي عن ولدي


هو هااادي جدا

خوااف

عجاز

مافيه ثقه في نفسه أبد <يعني كم مره يختارونه كطالب مميز ويبونه يشارك في المناسبات بس هو من يوم يسمع الطلب يررررررررررفض وإذا اصريت عليه بالطيب بالغصب بالهدوء بكل الطرق يجلس يصيح ويقول لا مابي اخاف يضحكون علي اخاف اغلط اخاف واخاف

احاول قدر الإمكان ما احرمه من كل شي

عنده جوال بكمره بس بين فره وفتره اراقب من باب بشوف وش الجديد عنده وإذا عجبنيي ارسلته لجوالي

النت حطيت له كمبيوتر في الصاله<<ومن زود الحرص هو مكتبي بس انا خليته في الأرض اقرب لي عشان اشوف وش يسوي

فتحت له إيميل بس اعرف وش فيه وافتحه قبله بطريق غير مباشر

النت هو مايعرف له كثير لذلك مايدخل غير الماسنجر والالعاب

احاول قد ما أقدر اخليه يعتمد على نفسه بحل الواجبات وينتبه لدروسه بنفسه


وبما انه هالسنه في اول متوسط سألته من أول اسبوع هاه في شي يسوونه غلط وحركات مو حلوه قال ايوا

قلت شنووو

قال في الفسحه يروحون لمكان منزوي ويجلسون يرقصون

قلت له انتبه وانتبه ترى بعض الأولاد عليهم حركات وسخه وحرام مثل انه يمسك يدك أو يجلس يلعب على شعرك ويمسحه لك او يقولك انت حلو او يحط يده ورى ظهرك(صراحه ودي اتعمق شوي بس خفت اجيب العيد ولا اعرف اتصرف)



الحمدلله هو ابددد مايعرف الكلام الوسخ (حمار (تكرموا جميعا) غبي ..او جميع انواع الدعاوي واللعن)



لكن انا دحين ابي اعرف وشلون اتعامل معه وانبهه لفترة البلوغ وكيف اوصل له المعلومه (لا تقولون ابوه غاسله يدي من هالناحيه)

وبعد كيف انبهه انه ماينساق مع اصحاب السؤ واللي عليهم حركات نص نص






يعطيكم العافيه مقدما