الله يرحم أبوك وجميع الموتى ويغفر لهم ويجعل قبورهم من رياض الجنه

بصراحه بكيت معك والله كأنك تحكين عني ابوي توفي6/11/1435 يوم الاثنين سبحان الله انا ماكنت الصغيره لكن انا كنت اقرب وحده لابوي لدرجة احيانا اجي انام عنده وباخر حياته كنت انا وهو ننام بغرفه وحده وارفض احد يخدمه الا لنا واكل واشرب معاه وكنا ببيت اختي والله من بعد ماتوفي ماصرت اروح لاختي مااقدر كل شي ببيتها يذكرني فيه رغم ببيتنا لازلت انام على فراشه وعندي له ملابس حتى جواله ماني قادره اروح افصل رقمه ..لكن كل مااتذكر باخر حياته اذا تعب ماينادي الا انا واخر يوم قبل يتوفى الله يرحمه جلس معانا وكان يقول الاثنين بطلع من المستشفى وبروح للحرم وفعلا طلع لكن للصلاه عليه ..ويوم السبت من نفس الاسبوع شاف رؤيا سبحان الله هي رؤيا وفاته وهو انه يشوف انه جالس بخيمه خضراء تغطي الافق يارب انها الجنه ويشوف ان بيننا وبينه حاجه بيضاء والشيخ قال هذا الكفن وسبحان الله دخل بغيبوبه ولما يجي وقت الصلاه يصحى ويصلي وصحي صلى الفجر وتوفي ماشاءالله وهو يصلي الفجر الله يغفر له ويرحمه والله لازلت كأنه اليوم متوفي بعده احس كل شي ماله داعي مشتاقه له مشتاقه افضفض له لكن كل مايقضي به الله خير.. الحمد لله على كل حال الله يحفظ لنا امي واخوي واخواتي ويرحم والدي رحمه واسعه ياكريم ياالله

الله يرحمه ويسكنة الجنة ويجبر كسر قلبك على فراقه

عشت نارج وأعرفها .. أنا أبوي مات وهو في عز صحته وشبابه .. حادث سيارة ومات في حضني .. الله يرحمه ويغفر له ..

صار لي 11 سنة أنا كل ما طلعنا شارع طويل أتذكر الحادث وأتذكر الغالي ..

11 سنة أصبح وأنا فاقدة جزء من قلبي ..

تزوجت وصرت أم وزوجي حنون لأبعد حد لكن حنان ذاك الطيب ما حد يوصل مواصيله ..

الله يرحم أبوج وأبوي وموتانا وموتى المسلمين

عظم الله اجرك ورحم الله ابوك


اصبري الحمدلله خاتمت ابوك كفيله انها تصبرك وتهون عليك ادعيله تصدقي عنه الله يجبر كسر قلبك ويهون عليك ويرحمه رحمه واسعه