محسسيني الزواج عالم وردي
وتقومين ع صوت شحرورك

حسبي الله على المسلسلات التركيه 
عيشت البنات بحلم وردي 

سبحان الله حتى اختي كانت مطفوقه تبغى تعرس وتقدم لها واحد وهي عمرها 17 بعد الملكه انقلبت 180 درجه قالت ابدا ما ابغى اتزوج و فركشت القصه 
يحسبون الزواج هدايا واحضان ورومنسيات
وقال ايش اعرف اتعامل مع الرجل 
حبيبتي الرجل مخلوق غريب صعب جدا تعرفي له 


وعموما الله يزوجك 

هههههه والله ضحتيني ياحليلك
اجل كلمه توديهم وكلمه تجيبهم
تبين تعرفين انك للحين ماوعيتي وفهمتي معنى الحياه الزوجيه لانك عميتي ع كل الرجال ان كلمه توديهم وكلمه تجيبهم:talker:
طيب دام انتي جريئه لدرجه تقولين لامك زوجوني انصحيها ووجهيها ودرسيها عشان تخلي ابوك خاتم بااصبعها وتوديه وتجيبه :2thmup:
ذكرتيني بنفسي وانابعمرك كنت اتوقع الزواج حلم وردي اصحى على همسه وورده رايحه و ورده جايه ورومانسيه والرجال بالدلع والجمال بيطير ويصير خاتم بااصبعي واقدر اتحكم فيه و و و الخ من خيالات المراهقات بس هذا كله وهم عزيزتي
طيب سؤال دام تقدرين على ابوك يعني لا هو شديد ولا معيشكم بهم ومشاكل ؟ عن اي تعب نفسي تتكلمين الي خلاك تتركين المدرسه او تعبانه نفسيتك عشان الزواج :16:
اصبري لـ 5 سنين قدام بس , وارجعي لموضوعك هذا وبتضحكين على نفسك
الحياه الزوجيه شي كبير انتي كل تفكيرك في احظان وحب ورومانسيات وحنان , بس ما فهمتي جوانب الحياه الزوجيه الثانيه , حبيبتي عيشي حياتك وارجعي لمدرستك واستانسي مع صاحباتك وانبسطي بااحلى ايامك نصيحه نصيحه والله انها اجمل ايام العمر لاتخلينها مرحله الثانوي تضيع عليك بهم وحزن وانتظار الزواج نصيحـــــــــــــه :32:

يا عمري و الله مريت بهالمشاعر كلها
كانت عندي كمية مشاعر مدري وين اصرفها
ابي احب اي رجال ؟ و انحببب
ابي اجرب الحب
ابي اتزوج و اخلف صبيان و بنات
ابي احد يضمني و يدللني و يدلعني و يعاملني كزوجه
كل هذا عشته بعمر ال 17 و 18 و 19
لدرجه تعلقت بواحد من اقربائي
و حبيته و كنت اتلهف لشوفته و انتظر بس احد يطريه
و احكي لصديقاتي عنه
و عشت جو انه يحبني مع انه مو داري عني
لكن سبحان الله انصدمت صدمة عمري لما تزوج ..!
كل هاللي عشته كنت انا سببه
كنت مدمنه روايات رومنسيه
و اتابع مسلسات رومنسيه و اشوف صاحباتي اللي تزوجوا
يعني انا اللي فجرت هالمشاعر فيني مع انه المفترض تخرج لما احد يخطبني ع الاقل او اتزوج
ما انكر اني كنت متوقعه نفسي اتزوج على طول اول ما اتخرج من الثانوي
لدرجه اني قعدت سنه كامله بعد التخرج
كنت متأمله ، و انتظر
لكن بعدين انتبهت لنفسي
قلت انا ايش قاعده اسوي !
ليش موقفه حياتي !
و الحمد لله ربي سخر لي الظروف
اختي الكبيرة سجلتي بدون ما ادري بالجامعه
و حطتني عند الامر الواقع
و سجلت و درست و اشغلت نفسي
بديت انشغل بالتخصص اللي احبه
بديت انشغل مع البنات و اهلي
صرت امسك هواياتي
و مرت السنين و طلع الواتس اب
و بديت انشغل بالقروبات
قروب تحفيظ
قروب بنات
قروب اهلي
و ابعدت الزواج عن بالي ، حاولت اكون جريئة في اظهار مشاعري
و الحمد لله صرت اعوض النقص في اهلي .. في الناس اللي حولي
و الزواج ان جاء حياه الله و ان ما جاء خير و بركه
صحيح ما نملك مشاعرنا و لابد نتجه لهالفطره اللي فطرنا اياه الله
بس لازم ما نخلي هالشي مسيطر علينا
اذا ربي كاتب لنا بيصير
و اذا تحسين نفسك عندك طريقة تعفين فيها نفسك بدون ما تغلطين سويها
اخطبي لنفسك
كلمي خطابه بنفس المنطقه اللي انتي فيها
ما فيها شي
بس لا تخلين الامر هذا مسيطر عليك .. الافضل توكلين امرك لله و تنتظرين نصيبك و تنسين الفكره شوي و تنشغلين باللي تحت يدك ..

انتي تبين تهربين من شئ انتي تقدرين تحلينه
اذا عندك مشاكل حليها اذا عندك فراغ أشغلي نفسك
الزواج و الزوج مو الحل
نصيحة اخت الزواج تغير
الزوج لازم يشوف فيك شئ يحترمه
شغل البيت والأولاد والروتين الزواجي ماعاد يقنعون شباب هالايام
شوفي مستقبلك كوني نفسك
ليش ماتكونين المثقفة الي يحسب لها ولرأيها الف حساب
ليش ماتجتهدين حتى يكون لك مركز وظيفي واجتماعي
وبعدين لاتتخيلين الزوج بيكون همه وشغله الشغال انتي ورضاك ومشاعرك وطلباتك
اهتمامه فيك بيكون سته أشهر حد أقصى
وبعدين بيكون الدور عليك انتي تترجين وانتي تحبين وانتي تخدمين حتى تنتهين
آنا ما أقول للبنات لا تتزوجون بس كوني نفسك وشخصيتك
خلي هدفك من الزواج مو هروب وحاجه
خلي زواجك أضافه لحياتك وسعاده لك انتي
الله يوفقك لما فيه خير لدينك وحياتك