ابي احد يواسيني

الله يرزقك بالذرية الصالحة يارب ..

توكلي على الله وثقي فيه ولاتوسوسين ياأختي

دام الدكتورة ورتك الجنين

الله يتمم لك ع خير

حبيبتي عادي تطمني اعرف وحده وناس كثير زي حالتك يقولون كيس فاضي وبعدين يبين الجنين الله يطمن بالك عليه يارب

عادي ياقلبي تطمني مو شرط انه كيس فاضي مافيه شي يمكن يبان بعد فتره ...واذا كان فاضي فهو راح ينزل لحاله وربي يعوضك ان شاء الله ...وترى الطفل اذا سقط معناته سبحان الله يكون مو طبيعي يعني كله خيره فلا تضيقين صدرك وربي يكتب لك الي فيه خير....لا تنسين تاخذين فوليك اسيد

معليش حبيبتي طيب دكتورتين قالوا لك فيه كيس وشفتيه صح!!
وهذي الدكتورة الوحيدة اللي ماشافته ممكن انها ماتعرف بالسونار
لاني انا رحت لدكتوره ماكنت حامل بس كانت تشوف التبويض قالت مافيه بويضات الا وحدة وحجمها 15 ماينفع تحملين هالشهر قلت لها طيب اجيك بعد بكرا قالت لا ماينفع البويضه مقاسها مو كويس
ورحت لدكتوره ثانيه بعدها بيوم والحمد لله قالت مقاسها زين وجالسه تكبر

مو كل دكتوره فاهمه ويمكن السونار قديم وماتعرف له وممكن انه كانت كمية البول وانتي بكرامه اكثر من المرة الاخيره
هدي نفسك وكلها 11 يوم سلي نفسك باي شي عشان تمر ولاتنسين الدعاء والاستغفار

الله يثبت حملك ويقر عينك بالمولود اللي يفرحك

بالنسبة للتصوير أنا أفضل وانصحك إنك تشوفي مستشفى عندها تصوير ثلاثي الأبعاد مايحتاج تكون مثانتك ممتلئية ولا شي والجنين يبان فيه واضح أنا مثلك سويت تصوير بالجهاز العادي في مستشفى حكومي وكنت حامل في أسبوعين تقريبا وقالت ماهو باين إلا كيس وقالت تعالي بعد 10 أيام، ورحت مستشفى خاص وسويت التصوير بجهاز ثلاثي الأبعاد والله ماتصدقي قد ايش الصورة واضحة، حتى إني في الشهر الثالث شفت خشمه وعينه وأطرافه توها باينة بوضوح، حتى إنها قالت لي شوفي هذي العروق اللي فيها اكسجين ومدري كلام زي كذا بس اللي أعرفه كان فيه لونين واضحة أحمر وأزرق وتقول كل شيء حق شيء.

المهم قالت الدكتورة إن الحمل نازل واعطتني مثبت واستمريت في المراجعة عندها وكل أسبوعين تسويلي تصوير عشان تطمن على الجنين وسمعت النبض في الأسبوع السابع من الحمل وأنا الآن في بداية الرابع وعندي تصوير بكره عشاتن تشوف استمر على المثبت وإلا أوقف.

وبالنسبة لحرارة الرحم أنا أحس فيها سبحان الله مدري ايش سببها مع إني حملت قبل كذا ومااتذكر إني كنت أحس فيها.

معليش طولت عليك واعطيتك قصة حياتي بس قلت يمكن أقدر أفيدك واطمنك.

الله يهون عليك ويثبت حملك

لاتنسيني من دعاؤك إن ربي يثبت حملي ويهونه علي ويسهل علي ولادتي ويقومني بالسلامة ويرزقني طفل سليم معافى