السلام عليكم ورحمة الله وبركاته
في شي في قلبي من زمان وودي اتكلم فيه
مافي غيركم شسوي بعد
المهم
احنا اربع خوات واخ من ام واب
وعندنا اختين واخ من ابونا
اخونا اللي من ابونا من النوع اللي بسرعه يحقد على خواته واخوانه يعني على اقل شي
حتى لو مثلا قلنا لبنته الصغيره اجلسي هادئه لاتسوين فوضى يزعل ويمد البوز ويظل وجهه متغير
المشكله انه موبس معنا حتى مع خواته اللي من امه وابوه
واذا صار موقف مهوب ذاك الزود في الزعل يبقى ايام مايكلم هالواحد او هالوحده
مره من المرات كنا رايحين زياره للأهل في الرياض وقاللنا خذوا ولدي الصغير معكم لان امه مشغوله
قلنا طيب قبل مانمشي الولد استفرغ على ملابسه وقلنا للشغاله قومي بسرعه وديه لأمه تغير ملابسه واحنا نتظر هنا بالسياره
جلسنا ننتظر ربع ساعه كلنا بالسياره انا سألت الشغاله قلتي لفلانه ان احنا تحت ننتظر قالت ايوه انا قول
قالت اختي انا اتصلت عليها وقلت لها استعجلي ترانا كلنا بالسيارة
قمت انا رحت عشان اقوللها وين الولد تأخرنا لقيتها جالسه عند التلفزيون تاكل وولدها يلعب
قلتلها فلانه احنا ننتظر بنمشي الرياض وانتي ماجبتي ولدك قالت لا انا خلاص مابيه يروح
طيب كان تكلمتي على الأقل مشينا قبل لا يتأخر الوقت ويجينا الليل بالطريق
خصوصا ان اللي بيودينا ولد اختي مهوب كبير يعني
قالت بكل برود انا ظنيتكم مشيتوا
انا هنا ارتفع ضغطي وقلت لها طيب مع السلامه
واحنا بالطريق بعد ساعتين من مشينا اتصل اخوي على اختي الكبيره وقاللها ليه ما اخذتوا ولدي معكم قالتله زوجتك ماتبيه يروح
قال بعصبيه لا انتوا تحججتوا انه استفرغ عشان ماتاخذونه معكم كان انتظرتوا لما امه تغير ملابسه هذا ولد اخوكم مهوب ولد الشارع
وفهمته اختي السالفه بس ما اقتنع
وظل ايام حتى سلامه مومن نفس
والله مليت منه وصرت ما اهتم زعل والا بالطقاق
ياترى عندكم من هالنوع من الاخوان والا بس اخونا غير الناس
ووشو الحل مع هالاخوان :09::(
احلام طفولة @ahlam_tfol
محررة
يلزم عليك تسجيل الدخول أولًا لكتابة تعليق.
هههههههههههههه نفس اخوي احنا شر ومرته الخيره ههههههههههه
وراعي زعلات ويفسر علا كيفه
وراعي زعلات ويفسر علا كيفه
صحيح في أخوان كثيرا ذي كده وشكله حرمته الله يهديها تبغي تبعده عنكم
انتم عاملوه كويس وحاولو تعطوه ريق حلو ولا تشيلو منه وادعو له بالهداية ويسخره لكم ولها
انتم عاملوه كويس وحاولو تعطوه ريق حلو ولا تشيلو منه وادعو له بالهداية ويسخره لكم ولها
اخسريه ياشيخة...من جد عقل صغير..معليش بس شي يغيظ...
يعني يزعل ع سالفة مالها اصل باللاساس
يعني يزعل ع سالفة مالها اصل باللاساس
دياري sa
•
اللهم اسخر لهم اخيهم وحنن قلبة عليهم واسخرهم له وحنن قلوبهم علية
الله يخليكم لبعض ولايفرقكم ولايبين غلاتكم
مشوها يالغلا الشكوى لله بيجي يوم ويعرف انكم صح والله يهدي وجته فسرت غلط
الله يخليكم لبعض ولايفرقكم ولايبين غلاتكم
مشوها يالغلا الشكوى لله بيجي يوم ويعرف انكم صح والله يهدي وجته فسرت غلط
الصفحة الأخيرة
نفس اخوي منهبل هههههههههههههههههههه
ماعليك منهم الي عليك سويتيه وهوه بكيفه