ابي افضفض لكم .. بدموعي قبل حروفي .. انا انظلمت

صادني ظلم شديد وقوي

قبل جم يوم رحت ازور حماتي ( اخت زوجي ) ببيت عمها بما انها ساكنة معاهم

طبعا قالت لي تفضلي وجلستني مع عمتها واخت زوجها ( اخت زوج حماتي )

بعد شوي راحت حماتي تغير لولدها البامبرز

مجرد طلعت من المجلس صارت عمتها تقول عنها كلام ( ما ابي اذكره لاني ما ابي لو صار ولقت

حماتي الموضوع هذا يصير لها مشاكل بسبب الكلام )

طبعا انا دورت اعذار مثال بسيط قالت لي انها راحت لبيت امها خمسة ايام قلت لها يمكن تعبانة

( لانها حامل بالسادس وعندها ولد عمره سنة و ثمانية شهور تقريبا )

المهم انا ما حبيت اخذ واعطي بالكلام هذا وسألتها شخبار عينج الحين بما انها مسوية عملية

وفتحت باب ثاني للكلام عن حماتي

وجت حماتي وسكتت عمتها وغيرت الموضوع

وطلعت مرة ثانية وردت عمتها تهذر عليها

الخلاصة بعد ما طلعت من بيتهم بيومين جتني حماتي

وقالت لي انتي شنو قايلة لعمتي بصراحة انا تفاجأت وقلت ما قلت شي ليش؟؟

وشنو اللي صاير

وخبرتني ان عمتها قالت لها

مرت اخوج قالت ان ابوج يقول عن ولدي مو ريال لانه يعتمد على اخواته البنات

وامج تبي تطلعج من بيتنا لان احنا نشغلج وايد

بصراحة انا مصدومة من هالكلام

وحلفت اني ما قلته لكنها ما صدقتني وقالت ابي اواجه بينكم

واخذني زوجي لبيتهم

وراح زوجي يبي يكلم الحرمة هذي لكنها رفضت تطلع تكلمه وقالوا ان ضغطها مرتفع

وما تقدر تقوم وما تبي تسوي مشاكل

تخيلوا يا بنات

القهر ان انا حبيت هذي المرة لانها احترمتني ببيتهم

اللي ما تخيلته انها تتهمني

وبالاخير حماتي وزوجها مصدقين الام وطلعت انا الجذابة

وطبعا امهم قالت فلانه لا تدخل البيت اللي هي انا

يا بنات تتصورون شكبر جرحي؟؟

مو بالقرآن الله يقول واما اليتيم فلا تقهر؟؟

كلهم يعتبروني طوفة هبيطة لانهم يدرون ما عندي توقف معاي وتهاوشهم وترد لي حقي

طبعا دعوة المظلوم مستجابة

وانا اقول

حسبي الله ونعم الوكيل على اللي ظلمني

ادعوا لي ان الله ياخذ لي حقي من كل من ظلمني