ابي حل..لاني ابي اعتذر (( التطورات))

اللي ما يعرف قصتي..يشوف مشاركاتي واهي نفس عنوان هذا الموضوع

والقصه اللي بالرابط بأختصار: انوو انا طولت لساني على مرت خالي مثل الأطفال لانها صارخت بوجه امي المسكينه اللي ما تعرف ترد وفيها ضغط وهموم ما يعرفها الا ربي ..وقالت لها بنتك يبيلها كف لانها قليلة ادب وامي ما تعرف ترد..
والسبب اني قلت لبنتها روحي عن باب الرجاجيل(( كان وقتها عزيمه ببيتنا)) والبنت راحت لأمها تصيح..
ومرت خالي ما في اوصخ منها يما ما ويماا تتريق علينا ونسكت عشان خالي بس لمتى!!!!!!!!!!!!!!

التطورات:
خالي درى ودقيت عليه انا ابي اعتذر منه واوضح له السالفه..لو يبي احب راسه حبيت راسه غالي ويستاهل
بس ما رد علي ولما دقيت من جوال اختي لما سمع صوتي قفل السماعه..
شكل السوسه زوجته نقلت كلام سيئ وحطت بهارات كمان...
ووكلم خالي اختي بعد يومين وقال لها قولي لاختك اللي اهي انا لا تكلمني ولا اشوف وجهها او رقمها ولا ترا بأذبحها!!!!!!!!!! تخيلووووو....<<وترا اهو يسويها لانه عنده مبدء كلش ولا بنتي وزوجتي لو يبع كل اهله..لما يعصب ينسى كل شي ..مره من المرات شغاله رفعت صوتها عليه جاب المكنسه بيكسر راسها وماعليه من احد بس جوو خوالي الثانين ووقفووه!!!!!!!!
مدري وش اسوي والمشكله زوجته ما قصرت وتستاهل اللي جاها ولا تقولون اعتذر لا لا..
اعتذر من خالي احب راس بنته بس زوجته لااااااااااااااااا....اهانت امي ..
يكفي اهانات عشاننا طيبين .. يكفي..
انا مصدوومه من خالي كيف يبيع اللي من لحمه ودمه عشان زوجته كيف ما يسمع الرأي الأخر..
انا خايفه يوصل الكلام لزوجي وش يصير موقفي عنده؟؟مهبوله وتتطاق مع الناس!!!!! وانا والله ما اتحارش اللي مع اللي يتحارش معاي..
اخاف انه خالي يأذي ولدي!!! وش اسوي فرضا رحت لبيت جدتي اللي انا مالي غناة عنهم اللي انا 24 ساعه عندهم ولقاني ومسح فيني الارض؟؟ وش اسوي اخاف يمد يده لو على الهواش يخليه يهوشني بس اخااااااااف من مدة اليد!!!!!!!!!!!!!!!!!!!!!!!!
اعطوني الحل والله امي موب ناقصه هموم!!!!!!!!!!!
عماني في مدينه ثانيه ..يعني مالي الا خوالي !! احبس نفسي بالبيت!! كذا بيشك زوجي انوو فيه شي!!ياربي وش اسوي ..
بتقولون قولي لأبوك ابوي الله يشيفه تعبان نفسيا وصدقوني ما راح يتصرف !!!!!!!!!!!!
افكر ادق على الشرطه منع تعرض<<ايييه انتم ما تعرفون خاللللللي كيف مجنون لما يعصب!! بس ما يصلح اسوي كذا لانه زوجي بأطيح من عينه كل المجتع بيكرهوني اولهم جدتي ام خالي .. بس انا خايفه .. بسألكم بالله هذي تصرفات رجال !! اللي يعصب ويصك السماعه بوجه بنت من لحم ودمه هذاا رجال!!! ليه كذا ابي افهم ليييييييييه في وقتنا مافي رجووله .. يعني عشان مالي سند!!! يعني عشان ابوي تعبان ولا اهو خالي يدري انوو ما اقدر اقول لزوجي عشان ما اتفشل !!!!!!! والله اكتب لكم وانا ابكي.. .عارفين ليه لانوو انا مسويه قدام اهلي انو ما اهتميت ويا جبل ما يهزك ريح بس انا من جووا تعبانه وخاييفه
ادعوو ربي يهجد خالي .. الله يخليكم...