ابي حل لبنتي عمرها اربعه سنوات ونص

تعبت تعبت منها كل شي جربته معها حطيت لها كرسي وسميته كرسي العقاب اجلسها فيه غصصصصب وتكون مقابله الجدار مانفع تعااااند بالساعات ماتتعتذر ولاتصحح خطأها

نقعت لها مره وسميته دوا خايس واذا عاندت او تلفضت بكلمة ( انقلعي - بقره )>>> ماادري من وين لقطتهم, اعطيتها ولافي فايده تخاااااف من المره تنكسر اشوي بس ترجع مره ثانيه لنفس الخطأ

جربت احرمها والحرمان اللي تفهم عليه الطلعه أقول لها بطلع انا مع اخوك وانتي جلسي مع البابا في البيت تجي تحط حرتها في اخوها طبعا اخوها عمره سنه وهي عمرها اربع سنوات ونص المهم انها تبكي الولد وتجي تتباكى وتحاول تقنعني ان اهو الجاني وهي المجني عليه


اذا تبي شي ورفضت اسويه تحط حرتها بأي شي قدامها وتكسره مثلا اليوم هو يوم راحتي ماعندي شغل بالبيت كل شغلي خلصته قبل بيوم والشغل الخفيف العصر المهم اني جيت أسبح اخوها نشبت تبي معه قلت طيب البسي الكلوت وأخوك انا بلبسه وشرطت عليها انها ماتفصخه
طلعت اسوي كم شغله وارجع الا البنت فاصخه ومفصخه اخوها وطلعتهم هي سوت جنازه نص ساعه وطلع الدم من انفها >>مجرد ماتعصب او تنضرب يطلع منها, المهم ان الدم تعمدت يجي ع جسمها عشان تضمن ارجع احممها وطنشتها ودخلت غرفتي الا اسمع صوت تكسر واطلع البنت لفت ع التحف اللي بالصاله وكسرتهم وتكرمون الزبالات اللي بالبيت كلها فرغتها في الصاله انا هنا ضربتها ماتحممممملت



جا ابوها ولبسها ودخلها تتروش طيب خلصت من ازعاجها جينا ع العشا ابيها تجي تاكل سوت صياح ومناحه تبي حليب ماتبي تاكل معنا وانا راااافضه ابيها تتعود تاكل الموجود خصوصا ان أكلها شيبيات وبيض وحليب وبسكويت وعصير بس هذا عيشتها كلللل يوم

من صراخها الولد نايم وصحا انا هنا اخذت النعله تكرمون وكملت الناقص ماقدرت أمسك اعصابي انا ضد الضرب بس هي نفسسست فيني اول مره أكون معها بهالعنف بعد ماذبحت نفسها صياح جا ابوها وأخذها وكلت كم لقمه ونامت ع السفره


جا بيهذر فوق راسي وان البنت بتتعقد قلت له اثبت دورك كأب وتدخل بينا ولاتتعقد البنت لأنها تسمع لأبوها عشان حضرته يسوي اللي تبيه حتى لو كنت انا رافضته لدرجة ان صار ينومها معنا بالغرفه واذا جيت بتفاهم معها ياماما انتي كبيره مايصير تجين واذا جيتي مارح افتح لك الباب قالت بابا يفتح لي بعد شقا وتعب وانا احاول تتعود في خلال اسبوعين كل تعبي رااااح


بعد كل هالسالفه الطويلة ابي حلللل تعبت ماابي اضربها وكل شي اقدر عليه جربته بس مافيه نتيجه مع اني ماادلعها ابد حتى اذا طلبت لعبه أقول لها وين فلوسك وتعطيني من فلوسها ونروح ونشتري لها ابوها اللي يدفع وارد فلوسها بمكانها ابيها تعرف ان الألعاب ماتجي ببلاش عشان ماتكسر وتخرب فيهم بس مافي فايده
تعبتني تعبتني احترت معها زوجي طفش خصوصا اليوم جو البيت صراخ وإزعاج وهو جنونه صوتي يطلع بس مااتحمل