ابي حل مع ولدى...

و عليكم السلام
فيه حل بس لازم صبر الزاوية اختاري زاوية في البيت ماتكون في مكان يخاف منه ولا تكون في مكان يتسلى فيه مثلا عند التلفزيون ممنوع او العاب قريبه منه هذا اولا , ثانيا لما تحطين الولد لا تكون مشاعرك واضحة يعني كوني باردة و ممنوع النظر في وجهه علشان يعرف ان انتي زعلانه ثالثا لا تتكلمين معاه لين يخلص دقيقتين بما ان عمره سنتين طلعيه من الحجز وقولي له في كلمات بسيطة و مفهومة و يكون مستوى النظر واحد علشان ما يخاف و بدون مسك الكتف تقولين ماما زعلانه علشان سويت الخطا الفلاني و ابيك تقولي اسف اذا تاسف ومية بالمية بيتاسف احضنيه او قبليه

بتقولين صغير لا صار يفهم
بتقولين ماراح يجلس من تجربة شخصية اول مرة ساعتين يهرب و ارجعه لمكانه
بتقولين ليش الصبر هذا لاني في اخر الليل اتعذب اذا ضربته واتخيل ان عندي نعمه محروم منها غيري هذا غير ضرب الطفل تحت 5 سنوات حرام دينيا تخيلي ان ضرب الطفل على الصلاة هو هز كتفه عند الرسول الكريم لو شافنا كيف نتجبر عليهم الله يهدينا بس

واخيرا حددي وش نوع شقاوته هل هي حركه زيادة هذا طبيعي ولا يعقب عليه استكشاف طبيعي الاخطاء نبهيه اول مره ثاني مره والثالثة ثابتة و الله يخليه لك ...

لاتضربينه جربي ازعلي علي لاتكلمينه يوم كاامل اونص يوم
والحبس حلوووووووووو بس يكون منوره الغرفه والحرمان بعد بس انصحك
الحبس يكووووووون عند غلط فادح جداا وكبير
اشوف خواتي يسووون كذاا مع عيالهم وانا والله ماعندي اولاد بس حبيت اعطيك فكره
ودايم ادعي له والله يصلحه ويساعدك
تقووووووووووووول جدتي اللي يكون مشاغب وراعي حركه وتخريب وهو صغير
يكووووون رجااال اذا كبر تقول انتبهو وبتشوفون كيف

حرام صغير لاتضربيه ,,عاقبيه زي ماقالت الاخت بعقاب الزاوية بعملها مع بنتي وكانت عصبية وتعض هاهاها وبعدها صارت هادية

من جد ياقلبي لاتضربيهـ
لان الضرب يخليه يزيد من شقاوتهـ بالعكس

حاولي تشجعي مثلا لو جلس عاقل تعطي شي يحبهـ
وازعلي مه ولا تكلمي وهوا راح يعرف ويحاول يتسامح منك


ربنا يهديلك ولدك ويحفظووووووووو يااااااااااارب

شكرا على مروركم الكريم وراح اجرب الحلول
وان شاء الله تفيد مع ولدى ولكم منى جزيل الشكر والعرفان