ابي رايكم يااخواتي

السلام عليكم ورحمة الله وبركاته
انا ابي احط مشكلتي ,,وابيكم تشيرون علي ...
اولا ابقول لكم ظروفي وبناء عليها اعطوني حلول وابي حلول تناسبني يعني مش تناسب الواحده وتجي تسدحها لي وتقول انا وانا .....الخ

<<<========= شايشه على اخر حد:icon33:

ظروفي
انا ساكنه بالدور الثالث درج مافيه اصنصير ,,عندي اطفال اثنين اربع سنين وسنتين ونص
خالتي ام زوجي حرمة كبيرة مقعده وتقريبا فاقدة لذاكرة
شغالة حمولتي تخدم ام زوجي وتخدم بيتهم والله ماتلحق على شي وانا ماعندي جارات ولااعرف احد ابد والله ماغير ذا التلفزيون
اخوات زوجي واحده موظفه شفتات وعنده اطفال وبيت وماعندها شغالة والثانية عندها رضيع واطفال ولاعندها شغالة
زوجي يداوم مايجي الا الساعه ثلاث وحتى لو اخذ اجازة مايعرف يطبخ ولا يعرف يدبر شي ابد انا موجودة وهو حايس
كيف اذا صرت تعابنه وفوق هذا عصبي وماله خلق ....وعلى فكرة ماعندي شغالة ولاتقولين جيبي مؤقته لانهم وصخات ولاابيهم نهائيا ..

خلصنا نجي للمشكلة
انا قربت اولادتي ,,ابوي طال عمرة وربي يهديه طلع لي طلعه هالمرة يقولو لي اولدي عند زوجك لاتجينا
طبعا انا بعيدة عن اهلي 700 كيلو ..,, عذرة اني اتدلع ولازم اعتمد على نفسي وزوجي بارد لازم يتحرك
بيت اهلي عندي اخواتي ثنتين بنات توهم واحده 20 والثانيه 17 وشغالتين وامي ربي لك الحمد بعافيتها وانا اول واحده متزوجة ماعندهم غيري وعيالي منتعودين على اهلي وااخواتي ابوي يموت بااطفالي وكل كم يوم يكلمهم بس ماادري ليش هالمرة امسكت غلط على حظي ,,
من امس انا احاول اقنع زوجي اني اودي اولدي لرياض عند اهلي وهو يقول ماله داعي اوديكم مرة واحده مرة ثانيه,,,, قلت له خلني اودي اعيالي او ولدي بس عند اهلي وابي اولد عندك ارخص بالمدينه واحسن جمبك علشان ماافقدك كثير واخليك لحالك يقول لاتفكرين فيني اهم شي صحتك ومافي احد راح يخدمك ...
انا ماني قادرة اتجرئ واقول له ابوي مايبيني :icon33::icon33: ......
احيانا اقول اطنش ابوي واروح مالي دخل فيه ...واحيانا اخاف ابوي يشيش علي ولا يغثني بكلمتين ...
احترت وين اطس وين اروح والله لو مااطفالي كان انطميت وولدت عند زوجي بس وش اسوي
ابي الحل؟؟؟؟؟؟؟؟؟؟؟؟؟؟؟؟؟؟
ادعو انه الله يهدي ابوي ويحننه علي ,,عندهم اريح واحسن وبيتهم ماشاءالله كبير لي غرفه الحالي وحمام ووسعة صدر ناس داخلة وناس طالعة وشغالات اهلي متعودين علي وعلى اعيالي ويعرفون يسون اكل نفاس ...
ترى ابنتحر