ابي زوجي يتغير بس مدري طريقتي صح او لا الرجاء الدخول

السلام عليكم ورحمة الله وبركاته

انا زوجي الله يهديه كل وقته قدام التلفزيون بما انه بيتوتي مايطلع
وانا ودي يترك هالعاده 00 مصلحه له ولنا 00
والله ودي يصير احسن الناس
ودي يلتزم ويصلي بالمسجد ويتقرب لله اكثر
خايفه عليه من حياة الغفله والله
حاولت ونصحته بس :arb:
يقولي جزاك الله خير ويتأثر بس مايطبق
يرجع لعادته 00

انا بصراحه مليت عجزت فيه والله 00
جيته بكل الطرق

اخر شي اهتديت لفكره بس مدري عقب ماسويتها تندمت
تدرون ليش ؟
لاني قلت له تراي شفت حلم مو زين فيك ويوم سألت الشيخ قال يناظر المنكرات
وخليه يتقرب لله اكثر :(

خاف يحول ورحمته ودي اقوله اني كذبت عليه بس متفشله واخاف يرجع لمثل اول
عقب ماصار يصلي بالمسجد صار له يومين يصلي بالمسجد

هو يوم قلت له قال اصلا انا مفكر اشفر كل القنوات هذي واحط بس الاسلاميه
واحافظ على الصلاه بالمسجد 00
قلت حلو وهالشي دافع له ؟؟
بس مدري مو حرام اني كذبت عليه
ساعه اقول اذا كان الكذب لمصلحه ميخالف
وساعه اقول لا المفروض ماكذبت عليه
بس وش اسوي اذا تسكرت كل الطرق 00

الله يحفظه هو يخاف الله ويصلي ويصوم وبار بوالديه بس مشكلته التلفزيون والصلاه بالبيت
وتأخير بعض الاوقات للاسف 00

تكفون يابنات ادعوا ان الله يهديه ويثبته على دينه ويصلحنا جميع 00

بأنتضار ارائكم