ابي فكرة مشروع

جيبي لك سواق وشغليه
تقديم السواق ما بيكلفك 10 الاف وبعد ما يجي خليه يوصل الصبح والظهر طلاب المدارس
وبين هالوقت يوصل مشاوير وكمان بالعصر في طلاب تحفيظ قران ونوادي

اذا عندك سياره مسبقا حلو واذا مافيه اشتري سياره فان يمكن تكلفك حدود 20 الف او 25 حسب ميزانيتك
صدقيني راح يدخلك دخل حلو


او جيبي شغاله هالايام ماشي سوقهم وأجريها بالشهر بـ 2000 ريال

او افتحي محل بأسمك كهرباء وسباكه مثلاً او اي شي وجيبي عامل فيه وقليله بكيفك بالمحل لكن تعطيني 5000 الاف كل شهر
عشان تضمني ما يخدعك لانك اذا قلتي النص بالنص يمكن ينصب عليك ويقول المحل ما يدخل مكسب

وقليله اذا مافي جيب فلوس 5000 كل شهر انا اسفرك واجيب غيرك
وبعدها راح يتحرك ويجتهد عشان يشتغل المحل

بس طبعا الافضل توكلي اخوك مثلا او زوجك عشان يتفاهم معاه وحسب اذا اهلك يوافقو على هاللفكره

ولو في فكره ثانيه راح تلاقيني رجعت لك هنا وكتبتها ^^

انا والله ياخت مثلك ولا عارفه وش اسوي

اما بالنسبه للاخت همسه

اختي السواق اذاكان من مكتب بيكلف 3الاف الفين للفيزا والف للمكتب

اما اذا كان من احد تعرفينه اقصد يجي لك من عامل موجود في السعوديه

بيكون اوفر وبيدفع لك الفين الفيزه هو اذا جاء او بياخذ راتب اقل لين تخلص

الالفان ولكن الان يمنعون السواقين الا اذا كان سيارتك سيارة عائليه غير السرقات

اللي بياخذها ...

ام تأجير الشغاله مصايبها اكثر من فايدتها سويتها قبل وجابت لي

العيد لاتقولين بأجرها من طريق ناس ثقه لان مهما عرفنا الناس ما راح نعرف

اللي هم يعرفون , فموقفي انا لما اجرت شغالتي اجرتها عن طريق زميلت اختي

بنت عائله ومحترمه فقالت لي عن مدير زوج بنت عمها محتاج لشغاله لزوجته

بالمبلغ اللي اريد ودفعو اكثر من المطلوب لانهم ناس مقتدرين وللاسف زوجت

الرجل سافرت بعد ما اجرت شغالتي وتركتها عند ابوها الشايب المحترم اللي مايعرف

الا البيت والمسجد وخواتها اللي منشغلين في عملهم ولكن المصيبه كانت من الشايب

اللي يقولون عنه شيخ كبير ومستحيل يفكر في شغاله . اعترفت شغالتي انه كان يعطيها

فلوس زياده وجوال وبطاقات شحن وبعد كذا عرض عليها ........... وانا لاانزه

شغالتي لكن بالحيله اعترفت لي على بالها انهم قالو لي ما كان يحصل ...




الله يزقنا رزق الحلال ولا يحدنا على الغيرقولو امين

بصراحة يااختي احلي مشروع فتح حضانة مربحة وفي نفس الوقت مريحة اذا تبن لدي دراسة جدوي جاهزة

كم راس مالك؟