ابي كلامكم ودعواتكم مخنووووقة ياربي لك الحمد

والله العظيم انها تقفلت ابواب الحياة بوجهي مو قادرة اوصف الي وصلت له لكن خلاااص احس اني مخنوقة مو قادرة اتنفس احس بحمل ثقيل بقلبي بالم بصدري والله العظيم مو قادرة اوصفه او ممكن احد يحس فيه الا الي مجرب الالم الحزن الذل القهر ولا بيده حيله ...
كل شوي ابكي كل شوي عيوني تدمع ... الحمدلله على كل حال والله انها اصعب ايام ايام عمري احس كلها تراكمات صبري لكن ياااااارب ان الفرج قريب او اموووت وارتاح يااااارب..
والله ما يهدي بالي احس الا سورة البقرة وقيام الليل وانا مداومه عليها يووميا الحمدلله ..
الاقيها من وين من اهلي ومعاملتهم وامي واذاها لي وابوي واهتمامه لكلام اخواني وسلطتهم .. او من الم طلاقي او الم ظروفي ... او حياتي بعد ما تقدم لي اشخاص ومنهم شخص تمنيته ورفضوه اهلي ... او من حياتي ببيت اهلي وكأني لاجئة عندهم مو كاني بنتهم ....
حسبي الله ونعم الوكيل وهو اعلم بحالي ..
والله ما كتبت هنا الا ابغى كلامكم يطبطب على قلبي يواسيني والا اعرف الشكوى لغير الله مذلة لكن تعبت من الكتمان .... احس اني وحيدددة حزينة لكن الحمدلله


امي تعاملني وكاني عدوتها بالبيت تعاديني وتأذيني بعيشتي وتذلني بطلاقي وتسبني وتستثقلني وفووووق هذا تمد يدها علي وتقول انها ما ربتني ... ووين تضربني بوجهي .. اخر مرررة قاومتها لكن بعد ما كسرت انفي وجرحته ونزل منه دم ... حسبي الله ونعم الوكيل ..
تعاديني بالبيت لا تجلسين هنا و لا هنا ولا هنا ... تحب اهانتي وذلي وانا بصراحة خلاص ٦ سنوات من طلاقي وانا اصبر بس احس خلاص انتهى صبري وصرت اردوادافع عن نفسي ولو حتى بالقووة .لا تقولون هذي امك وووو ...
الله ما امرها تأذيني وتضربني وتذلني وتسبني وتقهرررني عمرري ٣٣ مو صغيرة لكن وش اقووول .... لاتدخلين المطبخ مطبخي لا تطبخين لا تسوي شيء فيه حتى اغراضي بالثلاجة طلعتها صرت احطها بثلاجة اختي بالملحق الي فوق .. غير كذا تستقوي علي بتصرفاتها وذلها ..
وتاخذ اخواتي المتزوجات بصفها وحتى الباقين ولا تبغى احد يحترمني ولا تبغاهم يحترموني ابداً حسبي الله ... صرت اجلس بالسطح على كرسي طول اليوم ..
واذا ابي لي قهوة عندي الاله يمين بالله اني اسويها عند المغاسل حق الحريم اطحن قهوتي واسويها بالاله وارجعها تحت سريري ... واذا شمت ريحة القهوة تقول ريحتها عفنت بالبيت وووووو تكرهني فيها .. لي اغراض خاصة فيني وتحت سريري ... حياتي ما يعلم فيها الا الله ويقووولون عاقة ما تحترمنا ....
تتكلم علي قدام الناس تهيني بالكلام والدق حسبي الله .. ودايما تطردني وتقول اطلعي ابني لك غرفة او انزلي استاجري شقة وهي ما بتخليني بس تحب ذلي ...
ويشوفونها تعاملني كذا ابوي واخواني ويسكتون ويقولون انتي عاقة وووو.
ابوي يسمع كلام اخواني اهم شيء هم الصح وانا الخطا اهم شيء اذا طلبت شيء قالو فاضية ... ما انسى كيف سوو فيني لما تقدم لي خاطب وش قالو عنه وش خلو ابوي يقول له ويتكلم عليه وش الشروط الي طلبوها عني للخاطب ،،،
اقول لابوي وقتها انا الي بتزوج وهذي حياتي وشروطي الي اعطيتك وهذي حياتي قال لا اخوانك لازم يوافقون عليه حسبي الله عليهم ونعم الوكيل واحد بالجامعة والثاني ما تزوج ،،،
وبالفعل ابوي تاثر بكلامهم وراح تكلم عليه وقال انت اكيد ما قبل فيك احد من جماعتك انت اكيد فيك عيب فيك وووو وشرط مهر ٥٠ الف وانا بنت ما اخذته و زواج بمدينتي وزواج بمدينته المهم اشياء تعجيزية ،،، والله قهررروني ...
بالاخير انسحب الخاطب .. واللحين تزوج بموووووووت من قهررري صح نصيب لكن الاسباب ان اهلي وقفو بوجهي وقطعو رزقي ... قالو لي مرة في خاطب عمره ٦٠ ويبغى يتزوج مطلقة وانتي بكيفك... وهذاك شاب مطلق وعمره قريب من عمري لا ..
حسبي الله
لا نطلع ابدا ولا نحضر مناسبات ولا نزور احد ولا يحبون احد يجيهم ولا يزورنا .. مقبورة بالبيت ... حتى وظيفة اتوظفها بعيد لا ....وشايفين انفسهم ان مافي مثلهم ..
انا مطلقة وثلاث باقي ماتزوجو ما يرحبون بالناس ولا الخطاب الكل يهرب ويتركنا ولا يبينا والسبب معاملة ابوي وشوفته على الناس وامي سبها واحتقارها للناس .
لا تقولون وش تبغين بالزواج وش تبغين ووووو .. هذي سنة الحياة ابي الزواج ابي الحلال ابي لي طفل يسليني ابي بيت خاص فيني حياة خاصة فيني و اهلي بعيد عني.... الله يعووضني يارب


الي حسيت اني مشيت فيه بحياتي دراسة الماجستير لان اهلي مالهم يد فيها صح اني تعرقلت فيها كثير لكن ربي يسر لي الاشخاص وسهلها ع الرغم ما تخرجت الا بعد٧ سنوات لكن كان فيها يسر رغم المدة الطويلة هذي ...
.. كل يوووم ابكي كل لحظة انهار كل ساعة احس اني مخنوقة .وبعد ماعرفت ان الي خطبني تزوج انهرت كثيييييير يارب لك الحمد . ما لقيت الا الذل والاهانة والقهر ،
عاملتهم بطيب واعطيتهم كل ما املك كان عندي موخر وايام تنزل لي المقطوعة والله اني اعطيتهم امي اشتريت لها كنب بالصالة واشتريت لها ذهب ب بستة الالاف وابوي اعطيته اكثر من عشر الالاف يكمل فيها مبلغ سيارة واخذته له جوال بثلاثة الالاف ،،،، وعلى كذا انا ثقيلة انا مريضة انا عاقة انا ما افهم انا مو متربية ...


..اللحين مابقى لي الا القليل من فلوسي وفوق هذا عينهم عليها ..
كسرني طلاقي كسر لا يمكن يتجبر وصبري هالسنين ست سنوات على مرارة العيش بين اهلي احس وصلت لمرررررحلة اتمنى الموت خلاص .. ماعاد ابي اعيش والله .. اجلس لحالي اكل لحالي اصرف على نفسي بالاكل وكاني مو معهم بالبيت .
والله ماكتبت الا القليل من الي انا فيه والله العظيم ما ابي منكم الا كلامكم الحلو ودعواتكم لي ...
حتى الكلام من كثره بقلبي ماعاد عرفت ارتب الكلام ...
تقبلوني ،،،،،