ابي متحرر !!!

السلام عليكم
ابي احكي لكم عن معانات اختي من الام هي عايشه معنا بعد لان زوجة ابوها مو كويسه معاها عمرها ٢٩ عام هي جميله ماشاء الله و شديدة البياض وشعرها فاتح لدرجة اللي يشوفونها يفكرونها مو عربيه. هي كل ماحد خطبها او وحده كلمتها تقول لهم انها مخطوبه وتكذب رافضه الزواج بشكل نهائي واحسها ضيعت عمرها وبتدخل ال ٣٠ وهي ماتزوجت تقول انه الزواج عاده الرجال يبيها تطبخ وتشتغل وهي ماتحب تشتغل الا لنفسها ماتحب تخدم احد تقول وحتى لو وجايب خدامه ماتبي رجال يتحكم فيها ويتحكم بلبسها او طلعاتها تقول (ابي متحرر) يحترم رغباتي ومايعطيني اوامر مع انها ماتسوي الغلط وانا اعرفها ومتاكده بس تكره احد يسيطر عليها بلبسها او طلعاتها وماتبي واحد يتحكم فيها ابدا هي عادي تحب العبايات الملونه اللي فيها موديلات بس ماتكون ضيقه عباياتها وحجاب احيانا ماتحب النقاب تقول يكتم ابي اتنفس لانها موظفه بمول وتقول الدين ماحدد ان العبايه لازم تكون سوداء وتقول الزواج اخر شي افكر فيه وماله فايده. هو اختياري مو ا جباري وسنة مو واجب وتقول اغلب الرجال يدشرون برا ويسون الحرام برا ويجي يسترجل ومايعرف الدين الا عند زوجته ومتعقده من الرجال
-
من وجهة نظركم هل تعتقدون انه فيه سعودي او خليجي قبيلي عادي يخلي زوجته براحتها ؟ يعني باللبس والحجاب والطلعات ويكون واثق فيها انا اشوف انه مو موجود بمجتمعنا مو بس السعودي حتى العربي نكون متوفره فيه جميع هالصفات