ابي مشورتكم معناتي مع زوجي

السلام عليكم ورحمة الله
ابي ادخل في الموضوع على طول ماعرف للمقدمات
انا متزوجه لي ١٠ سنوات بداية زواجي اموري تمااام وحنون وطيب معي بس مشكلته دايم يبحث عن زواج المسيار وحاطه نفسي ماعرف مع اني والله الحمد جميله ومهتمه في بيتي وفيه وهذا بشهادته هو الى قبل ٣ سنوات نقل من عمله وبداء يعمر انقلب تغير حيل مع ان البناء بس يدفع الفلوس عليه مشرف ومايمر عليه الا بشهر مره دايم يعاني من صداع الصداع بدا معه بعد زواجنا بسنتين بس بعدنقل عمله زاد معه المهم معنا صار عصبي بس يهاوش ولا يحترمني ابد قدام عيالي انتي همجيه غيوره ماتعرفين حتى تشترين مع ان والله يابنات الكل يمدح في اخلاقي ولبسي وطبخي وترتيبي مع ان طبخي يعجبه ويعترف ان حلو بس يحب يضايقني يقول ماتعرفين تسوين شي الى قبل سنه سكنا في بيتنا وبدت المعانه اسوى من قبل تهاوش مع اخوانه وصارت قطيعه بينهم مررره يادوب يسلم على امه وابوه ويمشي حتى ابوه وامه مايقدرو يكلموه وينصحوه ينفرون من عصبيته وانا يعصب علي من ولا شي ويبداء يسب ويشتم ولا يقول انقلعي ل اهلك و ورقتك تاصلك انا كرهتك ما عاد ابغاك واذا زعلت ياويلي احط نفسي عادي واسولف معه بعد ساعات يرجع طبيعي ويسولف عادي معي
هو دايم يقولي انا اذا دخلت البيت تجيني ضيقه بس مشكلته مو في البيت اذا طلعنا برا يعصب على عياله هو قبل سنتين راجع دكتور عن الصداع وحوله لدكتور نفسي ويراجع عنده للحين على ادويه
يا بنات انا متحملته وعادي وشايلته في عيوني وعصبيته علي زي العسل بس انجرحت من كلامه اذا قال اكرهك ولا لو لا العيال ماتجلسين عندي وقبل شهر لقيته مسجل في موقع مسيار والحين جواله مايخليني امسكه ابد مقهوووره ومجررروحه قبل فتره كنت طالعه من المطبخ وهو داخل ابتسمت له وقلت احبك ضحك وقال انا اكثر قلت مو قدي قال افا تشكين في حبي قلت لا بس مو اكثر مني ودايم مسجلته في جوالي بدلع وحب وغيرت جوالي قبل اسبوع وسجلت رقمه في اسمه عادي وشافه قال افاء مسجلته كذا حاف دايم معصب امس نسولف عادي عصب فجاءه وقال انا ماثق فيك اصلاً ماوراك الا الضغط والسكر وانا ماقلت شي سكت والدمعه وقفت بعيني وحطيت نفسي اطقطق في جوالي سالني عن شي قلت انت تقهر قال يا ربي على شان قلت ماثق فيك زعلتي قلت مو بس هذي دايم كلامك كذا واجيب الضغط وماطولتها عليه ولفيت الموضوع على شان ماتنقلب مشكله
ادري طولت عليكم بس من جد نفسيتي دماااااار منه
وخاصتن انه عند ادنى سبب يقول كرهتك مابغاك وسالفت الزواج هذي لحاله غثتني اول مايهتم في الواتس والحين كل شوي يدخله مادري شاكه انه متعرف على وحده شور وعلي