ابي مشوركم بخصوص شغالتي

الموضوع باختصار طلبنا شغاله سيرلنكيه عن طريق واحد جابها لنا وقال لنا عمرها 48وسبق لها العمل بالسعوديه وكويسه وتعرف عربي كويس المهم وصلت الشغاله وكانت الصدمه انها كبيره حسيتها فوق 55 سنه المهم طلعت تعرف عربي زين وتعرف تطبخ وطيبوبه مع الاطفال بس ماتحب الشغل كثير واحسها تتعب بسرعه ولا تحب الشغل الاضافي وعاد تعرفونهم مافيه تدقيق بالشغل ولازم ترجع تعيد على التنظيف وانا احب الدقه والتنظيم والترتيب بزياده فصرت ارجع انظف بعدها وارتب فبعد فتره تندمت اني جبت شغاله حسيت اني مب محتاجتها ولا استفدت كثير منها والحين صرت ابي الفكه منها بس خايفه من زوجي يهاوشني لاني سندرت راسه لحد ماجابها والحين مقدر اقول له معاد ابيها والمشكله شقتنا صغيره ومالها غرفه خاصه فيها فصرت مقتنعه اكثر ان وجودها ماله داعي ومادري شسوي فيها الحين شرايكم ؟شنو تنصحوني فيه ؟