ابي نصيحة المتزوجات ايش اسوي احترت

بنات انا مره تعبانه واحتاج نصائحكم
انا هذا المعرف استتعرته من صاحبته واشكرها بنات اانا وزوجي عايشين ع البركه مافي حنان مافي مشاعر ولاود ولااي اهتمام هو اهله قريبين من بيتنا الجدار بالجدار واي تقصير مني يركض عند اهله حاولت وحاولت لكن ماازكي نفسي انا عندي كبرياء واذا شفت من زوجي صد او عدم اهتمام بسرعه ابعد واتحسس واقلب خلقتي عليه وبصراحه مافي شي نقضي وقتنا فيه اذا جلس بالبيت وقت العصر اجلس ساكته ولاكلمه وهوه نفس الشي مشاعرنا ماتظهر الا بالفراش ؟ هل هذا شي طبيعي يابنات
وبعدين انا شايله بقلبي اشياء كثير عليه ومافي طريقه اوصلها لزوجي لانه مستحييل يتقبل النقاش وبرضو مدلل عند اهله كثيرررر وطول الوقت عند اهله جالس واي شي ينقص بقصد او بدون قصد يرككض لاهله
والله قلبي مجروح وتعبانه واولادي حاسين ان الوضع مو طبيعي لدرجة انهم صارو يهربوا مع ابوهم لبيت جدهم لانهم يشوفو الاب هناك مبسوط ومكيف ومرتاح والضحكه شاقه الفم
عارفه ايش تبي تقولولي انتي سوي جو ومدري ايش وسوي وسوي
طيب بنات انا ادميه ولي مشاعر ولي ردات فعل انا زوجي اسلوبه معي سيء ولا يرحمني ولايتعاطف معي ولااحس انه يقدر العشره اهم شي نفسه وبسس ويحب انه يجلس والكل يخدمه ولايبيني اطلبه مشاوير او مقاضي او اشياء ناقصتني او فلوووس ؟؟؟ مع انه مقتدر جدا ويرفض باسلوب وقحح جدا
واول مايجي الليل يتودد ويتحبب ويتلوق يبغاني ؟؟ بلله عليكم كيف انتقم لنفسي ؟
اقل شي اسويه اقلب خلقتي عليه ابغى استرد كرامتي تدرون ايش يسوي ؟؟ يركض ركض لاهله يعني انتي كئيبه القى اللي يسليني ؟ وبالاخير سارو اولاده معاه والله اجلس وحيده وموعاجبني الوضع لكن والله صعب على قلبي اني اصير خادمه له لاحس ولامشاعر ولاطلبات ولارأ] ليه ؟؟ حرام
انا محتاجه اخذ واعطي مشاعر وحب وحنان
مااقدر اعطي بالقوه ولااقبل نهائي
وهو يبغى حقه وبس بغض النظر عن مشاعري واحاسيسي ولو الفت نظره لاسلوبه ينكر ويقلي عادي اسلوبي ماقدر قلتلك ماقدر يعني لازم طلباتك اوامر ؟
ايش تشوروا علي بنات انا مقصره ؟ او هو او ايش تعبت كثير
انا اسوي كل شي من واجبات لكني ساكته مااتكلم ولااقعد معاه ولاتودد ولاشي والرد بنعم ولا وبسس
وهو يبيني لما يكون ينبسط يبغاني مبسوطه ولمن يزعل يتلفظ ويجرح حتى اللعن يلعن واول مايروق لازم اروق معاه يقعد بالبيت عند التي في ولايبادر باي شي الا كلمه او تعليق بسيط لازم اقلب البيت وناسه وفكاهه او انا كئيبه ويهج لاهله ركضضضض