bebygirl__3 @bebygirl_3

عضوة فعالة

ابي نصيحتكم ...تكفون

خواتي بنات حوا

انسدت الطرق علي ووصلت لمرحلة احس ان كل شي بينتهي وبيتي بينهار وانا مو قادرة اسوي اي شي

قصتي طويلة وانا من طبعي كتومة وما احب احد يتدخل بحياتي بس اليوم حسيت ان لازم الاقي حل وما لقيت غيركم بعد الله ينقذني من مشكلتي

اسمعوا قصتي واحكموا واعطوني النصيحة

من يوم حنا صغار تربينا مع عيال وبنات عمامي وحنا قبيلة كبيرة وبنت العم لولد العم
وحدة من بنات عمي انا وهي واحد اموت عليا واهي تموت علي ويوم كبرنا ما بقى احد من اخواني وعيال عمي ما خطبها ومن بينهم زوجي قبل لا اخده ما شالله جميلة ورشيقة وشخصية قوووووية كاملة والكامل الله

وهي كانت تربطها علاقة حب قووووووية مرررررررة مع ولد خالها وولد خالها هادا من عايلة ما هي من قبيلتنا وقاموا عليها عمامي كلهم وبقوتها وتاثير امها على عمي تزوجت ولد خالها ونقلت معاه لجدة وربي رزقها منه ببنتين ويوم زواجها كانوا كل عيال عمامنا واخواني يتحسفون عليا

عقب زواجها بشهرين تقدم ولد عمي وخطبني اللي هو زوجي الحين وتزوجنا زواج تقليدي وعانيت مشاكل كبيرة مع اهل زوجي وخصوصا امه وخواته وما قد شفت يوم استقرار يوم لي شقتي يوم ينقلني عند اهله وعقب المشاكل حلف ابوي اني اسكن بشقة بعيد عن اهله
ومن حول ال 4 اشهر نقلت لشقتي وارتحت
وربي ما رزقني يعيال وما لنا حل الا اننا نسوي اطفال انابيب والفكرة هادي مرفووووووووووضة عنده الله يهديه

المشكلة الحين ان بنت عمي هادي رجعت بيت اهلها مطلقة ومعاها بنتين صغيرات عقب معاناة بينها وبين زوجها من خيانة وسفر وادمان وانا الوحيدة اللي كنت عايشة معاها معناتها وكان التليفون بيننا يوميا تعلمني عن مشاكلها يعني اسرارنا سوا اعلمها بكل شي اكثر من خواتي

بيت اهلها مقابل العمارة اللي اسكن بها

والحين لها 3 اشهر من رجعت وهنا ابتدى الكابوس

زوجي كان يروح الدوام ويرجع ويحاول يتهرب من عمي (ابوها) علشان ما يقعد عنده ويتقهوى
الحين زوجي ما يطلع من عندهم
دايم متسدح بمجلسهم وما يطلع الا تالي الليل
انتظره عالغدا يقول تغدى عندهم والعشا نفس الشي وما باقي الا انه ينام عندهم
ومثلكم عارف احساس الحرمة بزوجها ما يخيب

انا بقلكم تصرفاته وانتم احكموا

رقم جوالها عنده وعرفت انه ماخده من جوالي واللي صدمني اكثر انها هي بعد تدق عليه والرسايل بينهم شغالة ومسميها باسم رجال

دايم يتكلم عنها وعن حظها السيء وانها ما تستاهل الرجال اللي خدته

زوجي عجاز لو بغينا نتعشى وما لقى خبز ينام من غير عشا علشان ما يطلع من البيت
الحين اشوفه ما غير ماخذ بناتها الصغيرات البقالة ويمشيهن ويدلعهن هدايا والعاب ....

ويوم يشوفني خلاص معصبة من وحدتي يجاملني ويجي يبي يتغدى معاي الاقيه جايبن معاه حافظة اكل ويقول فلانة طبخته تراه ما يتفوت

اليوم داخل علي ومدخل البنات بيده وقعد ساعتين يلاعبهن ويضحك معاهن وانا خلاااااااااص بنفجر

بتقولون تغيرين من بنيوات اقولكم اي واغار من امهم بعد

وامهم للاسف اللي كنت اعتبرها مثل اختي تتهرب مني ولا ترد على مكالماتي ولا مسيجاتي

بذمتكم ايش تفسرون اللي حاصل

وخوات زوجي مع انهم يكرهونها اشوفهم الحين ما غير نازلات مدح يا حلوها يا زينها قدام زوجي

انا بصراحة عندي احساس قوي انه يبيها

وحالته حالة عاشق ولهان ما غير شااااااااااااااارد معي وما هو معي

وانا مستحييييييييييييييييييييل اقبل طبينة و لو قبلت هي بالذات ارفضها

يجيني تفكير باني اروح بيت اهلي بكرامتي واقصر عليهم المسافة
وعقب اقول لا خليني شوك بحلقهم اللي ما لهم امان ولازمن احافظ على بيتي اللي بينهار قدام عيني وانا عاجزتن اسوي اي شي
محتاااااااااااااااااااااااارة

ودي بنصيحتكم
:(

104

يلزم عليك تسجيل الدخول أولًا لكتابة تعليق.

تسجيل دخول

rs1407 • 17 سنة

يابعد عمري

مدري وش افيدك فيه لكن وكلي امرك لله وهو سبحانه قادر على كل شي
عليك بالدعاء ان الله يبعدها عنكم

ويهديه

وانا اقول شكله رجع يسترجع الماضي

الله يكون بعونك

((((اطيب زوجة)))) • 17 سنة

والله حاسة انك مقهورة مره يا عمري الله يفرج همك انا عندي حل واعتقد من اقوى الحلول استغفري كثير بنية ان ربي يصرف زوجك عنها ويصرفها عنه وقولي اللهم اكفني اياها بما شئت وكرريها مع الاستتغفار فوق الف مره وتصدقي وكل يوم اقري البقرة بنية حفظ الزوج وصرف هذي الحرمه عنه وذا قدرتي تقنعين زوجك تنقلون بيت اخر يكون احسن وخلي جو بيتك رومنسي ولا تتركين لهم الجو وتروحي بيت اهلك حافظي على عشك وتسلحي بالايمان والبسي واكشخي صيري قمر وادعي اللهم صب محبتي في قلب زوجي صبا صبا وارني ذلك 00الله يفرج همك

وتونه • 17 سنة

الله يعينك باين انهم كلهم شكلهم يبون بعض وهي ما ترد عليك يمكن خايفه انك حاسه او شي
والله ما ادري وش بيكون تصرفي لو مكانك بس
انا اقول لا تروحين اتوقع اذا رحتي راح تسرعين الاحداث مليون بالميه وراح تسهلين الموضوع لهم
والاهم راح تعطين زوجك سبب قوي يخليه يسوي الخطوه الاولى وراح يقول انتي الي طلعتي وما تبيني وانا ما اقدر اكون من غير زوجه
يعني بالعربي راح يلزقها فيك وقدام الناس راح تطلعين انتي الغلطانه
خليك ببيتك وما تدرين ربي وش راح يكتب يمكن هو ناوي على شي بس ربي يفشل كل مخططاته ويرجعلك فشلان منكوس الراس

لا تفتحين له المجال واذا تقدرين سافرو لاي مكان وحاولي ان المده تكون طويله شوي عشان ينشغل عنها وحاولي تشغلينه باي شي مهما كان
وذا تقدرين بعد انكم تغييرون الشقه لمكان بعيد عنهم لان البعيد عن العين بعيد عن القلب
وعليك اختي بالدعاء وربي يحفظ لك زوجك ان شاء الله

شيله مطرزه • 17 سنة

يا عمــــــــــــــــــــــــــــــــــــــــــــــــــــري الله يعينك وما قصرت اختي اطيب زوجه كل كلامها صح لان ما يرد القضاء الا الدعاء وشكل زوجك ناوي لكن انتبهي علي طيرك لا يلف علي غيرك ويوميا سويه ليله حمراء وانتي فاهمه يعني هدي حيله وسامحيني علي كلامي لكن والله ودي اساعدك

فجر2007 • 17 سنة

((((اطيب زوجة)))) :

والله حاسة انك مقهورة مره يا عمري الله يفرج همك انا عندي حل واعتقد من اقوى الحلول استغفري كثير بنية ان ربي يصرف زوجك عنها ويصرفها عنه وقولي اللهم اكفني اياها بما شئت وكرريها مع الاستتغفار فوق الف مره وتصدقي وكل يوم اقري البقرة بنية حفظ الزوج وصرف هذي الحرمه عنه وذا قدرتي تقنعين زوجك تنقلون بيت اخر يكون احسن وخلي جو بيتك رومنسي ولا تتركين لهم الجو وتروحي بيت اهلك حافظي على عشك وتسلحي بالايمان والبسي واكشخي صيري قمر وادعي اللهم صب محبتي في قلب زوجي صبا صبا وارني ذلك 00الله يفرج همك

والله حاسة انك مقهورة مره يا عمري الله يفرج همك انا عندي حل واعتقد من اقوى الحلول استغفري كثير...

قلبي معك يا اختي
والله يصبرك
انا في راءي انك تكلمين زوجك بصراحه وبهدوء عشان يحط حد لهمهزله واذا الكلام ما فاد دخلي احد يحب الخير من اهلك في الموضوع بس يكون انسان عاقل والله يفرج عليك
وعليك بالدعاء في جوف اليل :26: :26: :26: