ابي نصيحتكم يالاجواد

السلام عليكم
بالبدايه انا ضيفة جديده على هالمنتدى وان شاءالله اكون خفيفه عليكم
انا عمري ٢٨عالنهايه ومخلصه جامعه
الى الان ماصار نصيب بالزواج 😒
عندي اخت اصغر مني متزوجة والكل يقول انها جميله
لكن للاسف حياتها الزوجية موكويسه حيل
وعندي خوات اكبر مني متزوجين ووحدة مطلقه
المطلقة جاها نصيبها الحمدلله لكن الى الان ماصار شي رسمي
انا من سمعت انها انخطبت صراحة ضاق صدري تمنيت ان لي يعني قلت هي متزوجة قبل
ونفس الوقت فرحت قلت الحمدلله عالاقل تلحق تجيب عيال قبل تكبر وزين ان الله عوضها خير
مشكلتي غيووورة حيييل وربي العظيم ي بنات تعبت حيل حيل تعبت من داخلي والله احب الخير للناس وادعي لهم بالخير ولا احب اشوف حد متضايق لكن الغيرة هذي مدري متى راح افتك منها
انا جمالي مقبول ولكل يمدح فيني باخلاقي وانخطب لكن اهلي يرفضونهم لان يسمعون عنهم كلام مو زين
يعني تخيوا اربع اوخمس خطبات ولا شي صار
مايمديني افرح الا قالوا لا موزين وبنرفضه
انا زهقت احس ودي افرح ابي اتزوج ابي احمل واصير ام واجيب عيال
والله انني بكون له الزوجة والصديقة والام بس ويينه ☹️
الحياة كلها كفاح ماراح يجي الانسان الكامل من العيوب انا احس مرات اهلي يبوني خادمة بس لهم عشان اهتم بالبيت ووووو
وامي تنحاز حيييل للمتزوجات وانا لو اتكلم ووش اقول ماينسمع كلامي
كثيييير تجيني حالات اكتئاب واتضايق واصيييييح واصلي وادعي
ارتاح كم يوم بعدها ترجع حليمة لعادتها القديمة واقول ليه وش ناقصني كلهم متزوجات الا انا
والله يابنات اني اقول هذافلانه عمرها ٣٠وهذا فلانه ووو ماتزوجوا ويجيني شي يقول كل صديقاتك وبنات عمامك تزوجوا وانتي للحين عانس وابدا انقهر واتضايق
انا اعرف هذي ارزاق والحمدلله ع كل حال بس خاطررري افرررح خاطري اووقع على كتاب الزواج
خاطري امي تقدرني مثل ماتقدر المتزوجات
خاطري حريم اخواني يسالوني كيفك مع الزواج والحمل
خاطري ام زوجي تدلعني
ابي احس بخجل المخطوبة
ابي احس بربكة المخطوبه
لما اقعد معهم كلهم ويسولفون كذا اكون لحالي احس بالوحدة مامعي حد كلهم يسولفون عن حياتهم وانا تخنقني الغصصة
انا مااحسدهم والله انني ابي الخير لهم لكن مشكلتي اغار واتضايق
تكفووون تكفووون ادعوا لي يمكن ربي يستجيب منكم ويرزقني بالزوج الصالح