بصراحة ترددت أكثر من مره وأنا احاول أكتب اللي صار معاي، لأني خفت من ردودكم وفيه ناس تحب تهاجم من غير ماتفهم، صار معاي شي غريب وماسمعت أحد سواء اللي اعرفهم وله في المنتدى جابوا له طاري، وبصراحة أكثر حسيت نفسي ساذجة باللي صارمعاي و :icon33:، مالكم بالطويلة عشان ماتملون السالفه ومافيها جاني اتصال بعد أذان العصر الأ وحده تكلم من اوربا ومن هولندا على حد كلامها ورقمها مايبين في الكاشف بس يعطيني انها منطقة خارجية وبدون ارقام.
المهم الأ تقولي أحنا عندنا بعض الأسئلة اذا ممكن تجاوبين عليها وسئلت عن ايش بالضبط؟ وأنا مندهشة ومتفاجئة كأنه أحد كاب على وجهي ماي بارد وقالت: أحنا نسئل اسئلة لكل الدول العربية
ونقارنها مع بعض وهي تفيد في الدراسات في الجامعات وغيرها.
وأنا بكل عفوية قلت طيب السنة اللي فاتت كانت أسئلة عادية في البداية اسئلت عن عمري و مؤهلي
وأذا كنت موظفة وعن القنوات اللي اشوفها وكم ساعة اجلس عند التلفزيون، وعن القنوات الاخبارية واذا كانت بشكل يومي وله اسبوعي ومن هذا القبيل
وعن قنوات الأغاني؟.
وبعد سنة اتصلت بس هالمرة اسئلتها كلها في السياسة ومن ضمن الأسئلة تقولي: بنظرك ماهي أهم مشكلة تواجه السعودية؟
وسؤال: هل بنظرك لأيران يد في المشكلة التي حصلت بين السعودية والحوثيين؟
وسؤال:مارأيك بحسني مبارك؟
وسؤال:كيف تقييمين الوضع في العراق؟
بس بعدين زوجي خلاني اوسوس واشك في الوضع
يقول ليييه تجاوبين على أسئلة مثل هذي يمكن عندهم أغراض خفية وكلام واجد خلاني اتضايق من نفسي وتحسفت أني رديت عليها، يقول أشلون تكلم مكالمة دولية وطولت وهي تسئل كل هالأسئلة، ويمكن ارهابيين
يمولون هالمكالمات!!!!معقولة؟
في وحده صار لها مثل اللي صار لي، أبي اسمع منكم أبي احد يواسيني أخاف بكره بنات المنتدى يتهموني بالأرهاب :44: هههههههههههه
امزح
بس ايش معنى اللي صار معاي؟
اتمنى يكون مثل ماقالت لي أنها مجرد دراسات.