اتصلت على استشاري في الحياه الزوجيه ؟؟؟؟؟؟؟؟؟؟

السلام عليكم ورحمه الله وبركاته يااحلى حوائيات

حدخل في الموضوع على طول زوجي يبغى يسافر مصر مع اصحابه هما اتنين واحد متزوج له 5 شهور وهو كل سنه يسافر يعني حتى بعد مااتزوج ماهجد
والتاني مملك وزواجه في الصيف وهذا كمان بيسافر كل سنه
يبغو يسافرو مصر لمده اسبوع

نجي للمشكله انه قبل كده زوجي جاته دوره من العمل لمصر ووافقت انه يروح عشان دوره وبعد ماياخدها حيكون في زياده راتب عشان كده قلت اوكي
وقبل السفر بيوم وانا رتبت شنطته وخلاص اكتشفت انه الاتنين هذوله رايحين معاه مع انهم مو معاه في العمل
وكفشت محادثه لواحد فيهم يتكلم انه الشقه جاهزه والبنات جاهزين والحشيش ............... ومايحتاج اكمل

وهما لهم في الحشيش حتى زوجي
طبعا من الصدمه جاني نزيف ودخلت المستشفى وماقدر يروح

فجاني دحين يبغى يسافر معاهم وانهم ماراح يسو ولاشي بس يروحو يفلوها وينبسطو


انا متاكده انه راح يصير هناك السبعه وذمتها

اتصلت على دكتور استشاري في الحياه الزوجيه وفهمته حكايتي وقلي خلي زوجك يسافر هو يبغى يروح يكتشف الاشياء اللي بيحكوه عنها اصحابه وبس فخليه يروح وصدقيني ماعد حيورح لكن اذا ماخليتيه يروح حيجي يوم وحيروح غصبن عنك او حتى بمشاكل او اي شي المهم هو رايح رايح فخليه يروح بطيب نفس منك احسن بدل مايروح غصبن عنك طبعا هو بيتكلم انه دحين حيسمع كلامك بس مع الزمن والسنين الجايه حيجي وقت ويروح قلتله واذا راح وجرب وعجبته السفره مع الاصحاب وصارت سنويه قلي لا حيروح يشوف ويقتنع وخلاص ؟؟؟؟؟؟؟؟؟


معقوله كلام الدكتور صح ؟؟؟؟؟هو ذا الحل؟؟؟؟؟؟؟

امانه عليكم كل وحده تدخل تديني رايها بامانه ولو هيا مكاني ايش راح تسوي

وتخلي زوجها يسافر وهيا قبل كده كفشته انه كان رايح يحشش ويسهرو مع بنات .........

متزوجه ليا 5 سنين عندي ولد وبنت والحمدلله مبسوطه في حياتي بس عندي هذي المشكله اللي كل سنه تتطلعلي في حياتي..... انه كل مايبغو يسافرو يبغى يروح معاهم