اتطلق والالا شاركوني همي

السلام عليكم والرحمه
للي عندها علم بالبوصله الشخصيه انا زوجي شمالي شرقي
وللاسف فيه صفات كثير تضايقني اولها الانانيه مايبي اصير ناجحه ولما اقوله بدخل دوره حاسب او انقلش يرفض يقول ماتحتاجينها
وش اقول وش اخلي هذا غير انه مايطلعني واذا طلعني للمطعم بوقتها يصير هواش على شيء سخيف
ولايحب مطاعم مافيهابارتشن او بارتشن خفيف لازم غرفه مقفله علينا ماحد يشوفني والا اشوف احد وانتم عارفين قليل المطاعم اللي كذا وانا ودي ارفه عن نفسي واستمتع بالمطاعم واجرب اكلات
ومن تزوجته لي اربع سنوات ثلاث مطاعم زرتها بس ولما نروح اماكن ابيها يصير فيها تجمع بنات كاشفات الله يستر عليهم يسب ويقذف ويطلعني غلطانه واني ابي الحريه وعاجبتني هالحركات ودايم اقوله انا بقضي حااجتي ماعلي من فلانه وعلانه
وفوق هذا مايدخل السوق معي ولايشاركني بمشترياتي مثل اي زوج وزوجه مع بعض
هو نظيف ويعتني بنفسه كثير لكن مايحب يكشخ يعتبر لبس البنطلون بغير السفر مو رجوله وان يلبسها وقت السفر احترام لعادات البلد ودي فيه يكشخ ببناطيل ويكشخ عندي بالبيت متخيلين انه اربع قمصان يلبسها عندي من تزوجنا اربع سنوات !من كثر الغسل انكرفت
دايم اشتري له واقدمها له هديه لكن تصير مصيرها مركونه مع لبس السفر
وشخصيته معي بالسفر انسان وشخص ثاني تماما الحمدلله زوجي معه فلوس وخير اللي مثلي تطلع وتدخل وتشتري وتوسع صدرها انا للاسف هذول الاشياء اذا حصلتها لازم قبلها اتنكد وتخرب نفسيتيعشان احصلها شخصيته الايجابيه كريم مره معي ومع الغير يحب الخير حنون بار بامه وابوه وحريص على زيارته لجده لكن يبني اشارك حياتي مستقله وكل شي اعيشه بنفسي من غير وجوده وهالشي تعبني كثير ابي احس انيمتزوجه
حصل موقف زعلني كثيير وانا في بيت اهلي من شهر ولافكر يراضيني وسمعت انه مسافر
كنت دايم اقول الله يرزقني الحمل يمكن العيال يغيرون شخصيته واسلوبه بالحياه
وش اسوي الحين امي وابوي يقولون راح نكلمه بالموضوع الى متى الكل زعلان لكن خايفه من رده فعله مع اهلي