اتمنى تجدوا الحل معنا سهل الله عليكم جميع اموركم

السلام عليكم ورحمة الله وبركاته

اخواتي العزيزات انا وصديقتي نتمنى ان نجد الحل لديكن والنصحيه الصادقة

واليكم المشكله

صديقتي تعرفت على شاب من المنتديات وبعد الاخد والرد طلعوا من مدينة واحدة هادا الا كانت تتمناه في زوج المستقبل انه يكون من نفس بلدها

وهو كذلك ارتاح انها من نفس المدينة

وهو شاب مقتدر ومتعلم وملتزم دينيا واخلاقيا

لم يمض على تعارفهما 3 ايام وفاتحها برغبته بالزواج

ليس حباً بها على طول ولكن اعجابه بأخلاقها ورغبته الصادقه في تكوين اسرة مثل باقي اخوته الاولاد

وعندما وجد بها كثير من الصفات التي يتمناها فاتحها بالموضوع بدون طلب رؤيتها

المهم المشكله في امه (( مو عارف كيف يفتح الموضوع معاها = مو قادر يقولها انه اتعرف على البنت من الانترنت )) هم ناس مو حقون ها السوالف تعارف ونت وهادا الكلام

فتح موضوع الزواج مع امه وقالها ابغى اتزوج قالت له نشوف لك احد من العيله او اذا انت حاطط عينك على وحده من بنات العيله نخطبلك هيا

قالها لا ماابغى زواج الاقارب قالت له انت تعرف احد قالها لا وقفل الموضوع

هو ما يبغى يجيب طاري التعرف ومو عارف ايش يسوي وهيا كمان مو عارفه ايش تسوي هيا اتعلقت فيه واعجبت باخلاقه وتقول حرام انها تلاقي الزوج المناسب الا تتمناه ويضيع منها

هو عنده اخوات كبار مو متزوجين بس اعتقد ما يبغى يفتح عينهم على شي زي كده وكمان ما يبغى يشوه صورة البنت لو حصل نصيب

بايش انصحها حتى انا احترت معاها وهما الاثنين ناس كبار وفاهمين مو مراهقين وصادقين مع بعض

لدرجة انه ما طلب حتى يكلمها على التلفون
والمسنجر ما يطولوا مع بعض غير ساعه بالكثير لمجرد الاتفاق على هادي الامور هيا بتدخل النت من عملها مو من البيت

نفسيتها مره تعبانه ودها تتزوج وترتاح من زوجة ابوها ويكون لها بيتها الخاص مع زوج طيب وحنون ويخاف عليها

الا يقهر انهم من مدينة وحده بس ما يعرفوا بعض ولا حتى بينهم ناس يقدروا يوفقوا بينهم

مع ان بيتهم ما يبعد عن بعض غير 3 دقايق بالسياره

ارجوكم ادعوا لهم بظهر الغيب الله يوفق بينهم وينزل الهدوء والاقتناع على امه عشان خاطر البنت المسكينة نفسها ترتاح من العذاب والذل الا شافته تصدقوا انها تشقى وتتعب نفسها طول الشهر ومرت ابوها تاخد فلوسها تصرفها على نفسها وما تبقي لها غير 500 ريال يادوب تدفع 200 للسواق والباقي
لها الله يكون في عونها وييسر لها جميع امورها

ولا تنسوا (( من فرج عن مؤمن كربة من كرب الدنيا فرج الله عليه كربة من كرب يوم القيامة ))

ارجوكم ساعدونا بالافكار الزينة والدعوات النافعه

والا ما عندها فكره تدعي لهم فهي امس الحاجة الى الدعاء والمساعدة

فرج الله على كل اخت ردت ودعت لهم