اتمنى زوجي يتزوج علي وافتك

يمكن تقولون هذي خبله وبصراحة هذا الي اتمناه لاني مليت من الحياة معاه سنين من المشاكل والخلاف كل شي سويته كنت في بداية زواجي اشوف امور ماتعجبني كذب اهمال لفروض الصلاة اسراف وقل تدبير مايجي اخر الشهر الاويتسلف مع اني اعطيته بطاقتي وسلمته كل شى بس للاس ف مانفع احوالنا الماديه دايم متدهوره بس الحين اخذت البطاقة منه ورفضت اعطيه الابحدود ومع ذالك ضحك علي اكثر من مره وخلاني اخذ قروض وقال اسدد وكذب علي كم مره رحت لاهلي وما نفع هذا غير الضرب والاهانات والسب طبعا انا ماخفيكم ارد عليه وما اسكت وهذا غيض من فيض كل السنين الي فاتت كنت احاول اعدله بس تعبت ومليت وقلت مافيه فايدة الشي الوحيد فيه زين انه طيب مع اولادي ويحبونه اما معي سئ بكل ماتعنيه الكلمة
ودي اطلع واخلي له البيت لانه كم مرة يقول اطلعي ويطردني من البيت وانا بس افكر باولادي ومسؤليتهم فقلت مافيه حل الاانه يتزوج وافتك منه وش رايكم