اتمنى منكم النصيحه انا تعبانه نفسيا

السلام عليكم ورحمه الله وبركاته
انا بحاول اختصر مشكلتي انا عانيت جدا بحياتي والسبب كانت ام امي الله يرحمها كانت تسبنا وماتحب بنات بناتها ادري راح تستغربون ان فيه جده تكره بنات بناتها والله اني صادقه والله يشهد علي قطعت نصيبنا من كل جماعتنا تسبنا وتقول عوب اذاسمعت احد ناوي يخطبنا والناس اكيد راح تصدقها بحكم انها جدتنا وعايشه معنا لانهاتهاوشت مع زوجات عيالها وامي تبي تبر فيها وحنا والله ماسوينا شي لها بس هي معروفه من الصغر بصفات واجد منها دايما تحش ببناتها قبل لايجبن حتى بنات المهم ماابي اطول الحمد لله تزوجنا ولله الحمد بس يابنات انا دايما اتذكر مواقفها معانا والسب اللي كانت تسبه لنا عند ناس اغراب فانهار والله لانه كذب لوصدق انا مايهمني بس اقعد ابكي كل مايمر يوم الاابكي واللي زاد الطين بله عاى مايقولون ان ام زوجي نفس جدتي بس اشوى منها مومثلها مايعجبها العجب ومره معاي ومره مع حماتي الثانيه واناوالله لي ثمان سنوات متزوجه ولا جاها مني الاكل خير بس هي متعبتني على اني بيت بروحي الا انها ماتتركني لحالي انامره تعبانه نفسيا وهي تزيد عليه بشغلات تسويها لي وانا اطنش بس عشان متخرب حياتي وماابي ارجع لاهلي لان عندي اطفال والله يابنات اني اعاملها زين وبين فتره والثانيه اهديها وماعمرها سمعت مني كلمه تفثها مثل حريم العيال اللي تقولزوجي شرالي وسوالي انا لامااحب اقول كذا لانهاتغاروالله بنتها تزوجت وطول ماهي جالسه زوجي سوالي وعملي وهي مستانسه من كلام بنتها وانا مرات اقول خاني اصير مثل الحريم اتدلع وامدح زوجي الا وهي ترفع نظرها علي وتقول ماشاء الله ليه شرالك وليه رحتم المكان الفلاني وصرت ماعاد اتكلم ولااخذ حريتي المشكله تبدامن تزوجو عيالها اثنين في شهر واحد ومن بنات قبيلتهم وهي متغيره عليه وانا والله اتمنى تصدقوني اني ساعتها في زواج عيالها والعرس قمت فيه كانه من اخواني واخر شي اتقابل بالجحود وانا مابي شي منهم الا الكلام الحلو كل مارحت لهم وازوجات عيالها عندهم مسيرات عليهم قامن يتكلمن ويمدحن بازواجهن ورحناوشرينا وهي مستانسه وانا لما ابدي اتكلم تتغير نظراتها ومايعجبها كلامي معن زوجي مو موظف وحالتنا الماديه موذالك الزود تحسدني المفروض ماتسوي معاي كذا انا متحمله ولدها ةانا حتى وزني تحول الى الضعف الواضح من الهم والنكد وهي حتى ماتكلف عاى نفسها تقول ليش كذااانتي بالعكس الغريب يسالني وانحرج مدري شارد عليهم فاقول اطفال وبيت ومن هالاعذار واناوالله اللي فيني من المعامله الشينه وانا مره ضعيفه شخصيه ماقدر ارد على طول ابكي هالشي فيني من قبل لاتزوج من جدتي اذااتهمتني اوسبتني بكيت على طول مااقدر ادافع عن نفسي عالعموم فيه مواقف كثيره يصعب ذكرها بس اخر موقف عزم زوجي اخوانه وسوينا عشاء يهبل ذبيحه انا طبختها وحلويات ومقبلات وكل شي وانا معطيته من فلوسي حق الذبيحه والله كنت محتاجه الفلوس بس قلت اخوانه لازم يعزمهم وجت عمتي وحده من زوجه اخوزوجي ثنتين تعذرن وبنا ت عمتي ماجن والخدامه عندهن وثاني يوم جاهم زوجي قامت تسب العشاء وتقول عشاكم قليل وحاطين لنا عظام والشاهد الله يابنات ماخليت شي الاسويته فانا انهرت قلت ليش الزمن هذاكذا ليه اللي عالنيه مااحديحبه ليش تسبني عندزوجي بعد كل التعب واطفالي صغار معاي وصار عشاء عند عيالها الثانين وهودجاج واخذت الشغاله لهن تساعدهن ومدحتهن انا ماحدعزمني بس لما رحت بعد كذا يوم عرفت الاخبار منهم واناماتكلمت ماقلت ليش ماعزمتيني ولاشي بس لبعرف ليش عمتي كذا ليش بعد مازوجت عيالها انكرتني وشكلها مكلمه حريم اخوان زوجي الجدد عني وانا اشوفهن كلامهن معاي قليل على اني قمت بواجبهن وقهويتهن ببيوتهن ابعرف انا ليش كذا انصحوني بنات والله بالليل ادعي واقول ان شاء الله الصبح مااقوم اموت احسن ما احس للحياه طعم وانا انسانه كتومه وحساسه وكل يوم ابكي اتمنى تفيدني بمشورتكن ونصايحكن واسفه عالاطاله