اتنكدت ورجعت

السلام عليكم ورحمة الله وبركاته والله يابنات ليا كم يوم مريضه وظغطي مره منخفض والسبب ام زوجي واخواته انا وزوجي سافرنا ديرتهم واهله سبقونا هناك المهم كنت حاسه اني مره مبسوطه اني رايحه ديرة زوجي لاني انا الغريبه اوحيده فيهم كنت نفسي اشوف كل شي وانبسط جلسنا في بيتهم والله نكدوا عليا نكد هيا ثلاثه ايام روحتها وعلى اساس اجلس وزوجي يرجع عشان دوامه بس والله ماقدرت طول الايا ام زوجي ماتكلمني وتدق بالكلام غير النظرات اللي تموت كان عندهم مناسه والله تعبت تعب كل البنات وبنات البنات انا اللي مكيتهم سويت شعورهم كلو عشان ارضيها وارضيهم لكن من دون فايده كلمت ام زوجي وقولتلها ايشبك زعلانه مني لو كنت زعلتك من دون ما اقصد قوليلي انا جايه انبسط معاكم ما ابغى احد يزعل نفخت فيا وقالتلي مافي شي سكت وتاني يوم سافرنا قددام زوجي تسلم عليا وتعاملني احسن معامله بس من وراه والله انها تعامل الشغاله احسن مني المهم ايش رايكم لكلمها ولاخلاص واستنى لما ترجع ولا بالتيلفون وايش اقولها عشان تحس بغلطها وتخف عني شويه استنى ردودكم لاتتاخروا عليا والله اني جالسه دمي مروق وتعبانه نفسي ارجع كرامتي واعرف الكل قيمتي انا اطيبت معاهم زياده عشان كدا ركبوا فوق راسي:(