اتيبس وانا نايمه ولا اقدر اتحرك مثل الخشب!!

السلام عليكم
بقولكم مشكلتي بدون مقدمات
بنات انا تجيني حالات كثير اني اكون نايمه ولما اصحى من نومي وابي اقوم ما اقدر احرك جسمي ولا اسوي شي!! بس افتح عيني .. ابي اقوم مو قادره .. احرك يدي مو قادره .. احرك رجلي مو قادره .. احرك راسي مو قادري .. اصااابع رجلي مو قادره .. ولا شي ولا شي .. اتيبسسسسسسسس اصيييير مثل الخشب .. حتى فمي مو قادره افتحه ابي اصوت ماني قادره .. الشي الوحيد اللي اقدر احركه اصابع يدي ومو كلهم بعد بس صبعين .. وبعدين فجأه جسمي يبتدي يتحرك كله بشكل مفاجئ بعد ما اموت وانا متحجره بمكاني ومن داخلي خوف مرير واحس اني اذا التفت وراي بشوف شي مايسر .. واليوم يابنات حاشتني الحاله مرتين!! وشفت ان شي فعلاً ماينسكت عنه
اذا بتقولون انا متعشيه كثير ونايمه بقولكم مو هذا السبب .. لأن بالفتره الاخيره كنت اسوي رجيم وما اكل شي ابدددددددددددد وان كليت حتى البزوره ياكلون اكثر كان رجيمي قاسي حيل .. وامس صح كنت متعشيه بس تعرفون هذي الحاله المره الاولى جتني الساعه 7 ونص الصبح يعني بعد مانهضم الاكل!! والحاله الثانيه جتني الساعه 11 ونص الظهر.. وانا متعشيه امس بدري يعني ماعتقد بيكون هذا العشا اللي مخليني جذي والاضافه الى انها قد جتني وانا اعمل رجيم :( اليوم والله يوم جتني سويت صبعي مثل لما ابي اتشهد :09: كنت ميته من الخوف وواعيه بكل اللي حوالي بس لاحول ولا قوه :icon33: بنات تكفون قولولي شسوي والله تعبت من هالحال!! مرات احس ان احد ماسكني ..ومره جتني الحاله وماقدرت حتى افتح عيني بس قسم بالله كنت صاحيه وكنت وانا مسكره عيني اشوف وحده جسمها كله مشوه وجالسه فوق صدري والله يابنات كنت اشوفها وانا جايتني هالحاله الغريبه بس مو قادره افتح عيني :( ادعولي