اثنين ايتام

السلام عليكم ورحمة الله كيفكم ياحلوات المعرف هذا لجارتي الله يجزاها الخير
هي من شارت علي اني اشاوركم المهم قصتي فيها عمل خير وباب من ابواب المعروف اكيد الجميع يعرف حديث الرسول صلى الله عليه وسلم انا وكافل اليتيم كهاتين في الجنه واشار باصبعيه السبابه والوسطى صدق عليه افضل الصلاة والسلام
عندي اثنين ايتام من اقاربي مو سعوديين انا سعوديه وهما ايتام من ناحية الاب والام ولله الحمد انهم ولدين من رحمة الله عزوجل بيهم لانهم تربو في ظروف جدا صعبه بحكم غياب الوالدين واتربو على اهل الخير وفي بيت عمهم الفقير والان كبرو واحد تخرج من الثانوي والثاني في الثانوي وحالتهم الحمدلله ارحم من لما كانو صغار وربنا كريم حماهم بفضلو من اشياء كثيره بلدهم الان في وضع صعب جدا حرب والكبير راسلني بعد تعب وجهد انه لقى رقمي الله يغفر لي ويسامحني ماعمري سالت الحمدلله الولد جدا جدا مهذب وذوق والله اللي متربيين على يد الاب والام ومتوفرلهم كل شي مايطلعو كذا نادرا امحق شباب يارب لك الحمد والله يهدي عيالنا
اتصل عليا وطلب انو يبغى يهاجر لا ي دوله مو شرط بلد بعينه مثل السويد والمانيا للدراسه والعمل وطلب للمعيشه يارب يسهلها له ويسالني هل ممكن عن طريق السعوديه انه تتيسر اموره هو مايبغى فلوس ماتكلم وفيه عزة نفس عجيبه يرفض اي مساعده ماديه سوالي ياحلوات لاني ماعندي اي خلفيه عن ذي الامور كيف ممكن اساعده لاي جهه اتوجه دلوني ويش اسوي الولد ماشاءالله متفوق ويرفع الراس
اتذكرو اما اليتيم فلا تقهر فالي تعرف تدلني مشكوره واجرها مايضيع عند الله اهو باب للاجر تلاقيه يوم لاينفع لا مال ولا بنون واللي ماتعرف ترفع الموضوع لو بدعوه جزيتن خيرا ويارب يسهل امرهم قطعو قلبي حبايبي في اشياء كثيره ماذكرتها لانها من الذكريات المولمه تخص حياة الاولاد افتكر ان ابوهم كان حارس مسجد الله يرحمو ويرحم امهم ويغفر لامواتنا جميعا ودمتم بالطيب والمحبه اختكم ام عبدالله