سلام عليكم ورحمة الله وبركاته
كيفكم ياغاليات هذي تجربتي حبيت اشاركم فيها
بعد سنين من الاهمال صحيت الشهر الي فات كان يوم جمعه ودعيت الله يعيني وقررت اني احب نفسي ايوه احبها وبصدق واعشقها
لاني من اهمالي لقيتها صارت شي مهمل
سنيييييين وانا كذا باستثناء الدخان خخخخخخ
الين يوم الجمعه 11مايو 2011
اتفاجات من وزني
اطالع شعري
اطالع بشرتي
متعبه جدااااا ولافيها نظاره ولاشي
اطالع الترهلات والزوايد
قولت يابنت خلااااااص عمرك توه فالعشرينات حبيتي زوجك وعيالك وربيتي يالله وين حبك لنفسك
وبدات
نظامي اليومي
اول مااصحى اشرب مويه دافيه مع قطرات ليمون
بعدها بفتره اشرب منقوع القرفه والزنجبيل والكمون مع الليمون راااااااااائع جدا
بعدها افطر
بيضتين وبرتقال
والباقي طبعا تبع الجدول الي هو رجيم اسامه حمدي الرجيم الكيميائي راااااائع جدا
وبعدها ابدا افكر ايش احط على شعري خلطه هذا اذا ماعندي طلعه طبعا قبل كل شي اقرا وردي اليومي من القران لو صفحه
باذن الله بديت الحفظ
وبعدها احط خلطتي
كثيراء انقعها قبل ب24 ساعه رااائعه للشعر
هذا شكلها تاكدي انها صاااااافيه ونقيه ملعقة عسل
وزيت النارجين الاصلي
وزيت الخروع
مع بعض واحطهم والبس عليهم المتوفر سواء سفره او كيس او اي شي
ابدا اقوم امشي بعد ماادهن جسمي كله بزيت زيتون مع زنجبيل
وابدا مشي بالسطوح ولو قدرت اروح ممشى او اقضي من السوق بعد احط ماهمي الي يشمني اهم شي راضيه ربي والريحه مو مره ترى
وبعدها امارس اي شي من التمارين زي
قرص التنحيف او تمارين للزنود
وطبعا شرب المااااااء المثلج ضروري يزيد حرق الجسم للسعرات الحراريه
بعدها شور واستحم بمويه بااااااااااااااااارده لانها لها فوائد عظيمه والاهم تشد الجسم زوجة عمي مغربيه جايبه 5 وماشاء الله ماكنها جايبه حد وكبيره فالعمر تقول احنا مانعرف الا المويه البارده فالاستحمام
طبعا البدايه اصب مويه بارده على كل جسمي وافرك بيدي كذا بدون اي صابون او شي بعدها ادفي المويه عشان يروح الزيت طبعا
وابدا من شعري استخدم
معرووووف عند جداتنا وانا لقيته ببنده ب3 ريال رااائع جدا ريحته لوز صح مو حلوه بس معليش الجمال احلى وبعدها احط على جسمي
وبعدها اليوكو سابا
وخلاص اكمل الشور بالمويه البااااااااارده
واطلع لغرفتي اكون جهزت فيها الفواحه وجو يهدي الاعصاب مع صوت العجمي بسورة البقره
البس واتبخر وابخر شعري عشان احس بالنظافه
اخذ فيتاميني ماانساه
على مدار اليوم عصير الزنجبيل والليمون المنعش والمنحف راااائع يابنات اشرب فاليوم 8 كاسات تقريبا من اول مااصحى الين انام
قبل النوم
احط زيت خروع على رموشي
وادهن وجهي بزيت جنين القمح واحسن نوع الي من مملكة النحل
وللعنايه بصدري
طبعا البس سنتيانه تكون مقاسها معقول وماتضايقني واستخدم خلطة المر مع نيفيا صراحه احس شكل الصدر تحسن
واستخدم الدوكين فور للرقبه والاماكن الي فيها سواد لاني جربته ونفعني سابقا واهم شي ماتتعرضين للنور
طبعا زوجي مسافر الله يحفظه لمهمة عمل وكل يوم اعيش الخوف من فقده استودعته الله المهم عندي بعض الخلطات والاشياء الي استفدت عليها وعشان اكون عروسه له
غسول الارطا وقشر الرمان روووعه
وكمان منقوع الخزامى او ان تضعين في قطعة شاش يعطي ريحه ونشوفه وثقه صراحه
ولريحه ثابته فالجسم تضعين بيبي اويل مع قطرات من عطرك المفضل
غسول يومي رائع
+مناديل الي تبيضك وتكوني نظيفه والافضل الي بالبابونجواخيرا وليس باخر يابنات بعد حب الله ورسوله حبو انفسكم وانتبهو تتراكم عليكم الشحوم وربي ندماااااانه بس باذن الله حوصل
والنتيجه 13 كيلو الحمدلله مع بشره وشعر باذن الله في تحسن
اي وحده حتحب نفسها وتبغى تشاركني يالله حياها ربي معنا في احلى قروب واحلى اكاديمية رينبو فالفريق الاحمر الله يجزاهم خير ساعدوني كثيررررر واشهد الله اني احبهم واحبكم في الله