احترام الخصوصيه🙄

بنات عندي موضوع يمكن يكون فضفضه قبل مايكون سؤال هل في ناس مثلي او لا؟؟
وهي (الخصوصيه) ..
من يوم عرفت نفسي شخصيتي كتوووووومه جدا و احب الخصوصيه ف حياتي .. من طفولتي الى الان عندي بيت وزوج وابناء ماشاءالله ..
ماودي احد يتدخل ف حياتي او يفرض علي رأيه او حتى مجرد اقتراحات .. احب اخطط و اقرر بنفسي ثم اعلن قراري .
يعني احب اخبي واكتم كل شي بحياتي ( ليس خوف من عين او حسد لالا عشان ماتقولون موسوسه ) لكن مجرد اني احس ان هذا شي يخصني احس بالمتعه بشكل كبير ..
يعني مثلا قررت احمل .. وتابعت مع دكتورتي ورحت وجيت .. مستحيل احد يعرف غيري انا وزوجي .. حتى امي واخواتي ما احب يعرفون شي الا اذا صار الحمل وعديت شهر او شهرين .. مدري يجيني شعور حلو اذا الموضوع باقي ماحد عرف عنه شي .. عكس اذا انتشر الخبر خلاص يصير شي عادي بالنسبه لي ..وتبدأ التدخلات وهات ياسؤال وجواب ( وش جنسه؟ وش بتسمينه؟ وش جبتي له؟......الخ)
مثلا مخططه انتقل بيت جديد او اغير اثاث او ..او..الخ..مستحيل اخذ رأي احد او حتى اقولها لو من باب السوالف.. لازم يكون كل شي ع الصامت حتى اخلص شغلي وانفذ اللي براسي ثم عادي ينتشر الخبر بعدها مايهمني ..
مدري فهمتو قصدي .. احس شخصيتي كذا .. لكن زوجي متضايق يقول ليش كل شي نسويه لازم نخبيه( لأني دائما احرص عليه لايقول لأحد حتى يتم الموضوع اللي مخططين عليه) لانه يحب يعلم اهله من باب السوالف لاغير .
بصراحه احسني كذا مرتااااحه ومستمتعه بقراراتي .. لكن البعض يعتبرها وسوسه بزياده واني كتومه ومعقده ..خصوصا اخواتي دايما ينتقدوني .. ودهم يعرفون عن حياتي كل التفاصيل حتى اذا طلعت السوق لازم اعدد لهم وش مشتريه هذا اذا ما طلبو صور للأغراض ههههههه.. او رحت لجاراتي لازم اعطيهم تفاصيل الجلسه من.. الى ..
ف البدايه كنت عادي بس حسيته شي سامج ومافي متعه انهم يعرفون تحركاتي وتفاصيلي .. لدرجة احيانا اذا ماعلمت يسألون عيالي ( وين رحتم .. ومتى ..وليش ..وكيف ..و.و.و.!!!!) ويشيلون ف انفسهم علي لاني ماعلمت .. مدري متى يحترمون رغبتي ..حتى اهل زوجي صارو يعرفون هذا الطبع فيني بس مو عاجب احد !!!!! مع ان اهله مايعلموني بخصوصياتهم ولا اعرف شي غير الاشياء العامه .. حتى اذا عندهم موضوع زواج او خطوبه مايعلمون عيالهم عشان ما أحد يعلم زوجته 🙄 شفتم كيف محافضين ع خصوصيتهم ..
الحين كلام الناس ماهمني لكن كثر الدق يفك اللحام ..و من كثر الانتقاد صار الموضوع مضايقني .. حتى زوجي من يوم صار ينتقدني حسيت كأني عايشه في بيت من زجاج الناس تشوفني .. شعور مزعج مع اني احاول اقنع نفسي انه شي عادي بس ماقدررررت ابغى خصوصيه ..
مين تعيش حياتها مثلي وتشوف انه طبيعي ؟؟ومين فاتحه الباب ع مصراعيه ههههههههه وحياتها مكشوفه ؟؟