احترت مع ولدي

كيفكم امهات حواء


ياليت تساعدوني احترت كيف اتعامل مع ولدي هو عمرة 3 سنوات شقي مرة الله يحميه كل مايجينا ضيوف بالبيت

يطلع كل مواهبه (الشقاوة طبعا ) يجيب كل العابه عندهم ويعض اطفالهم والله اني اتفشل من الناس ومايسمع

كلامي ابدا ولو كان مامعهم اطفال يلعب بالاشياء اللي اقدمها يشل ترمس القهوه ويجري فيها ولا يرمي الخداديات

المهم انه يخليني بس اجري وراه اعدل الاشياء اللي يخربها ولا اعرف استقبل احد في البيت زي الخلق والناس ولو

بنطلع من البيت نفس القصه كل مانروح مكان سوا ء سوق او غيره يبي يفلت من يدي ويجري على كيفه وانا اجري

وراه زي الخبله وفي المحلات يقعد يرمي الاشياء وانا ارجعها كرهت اخرج من البيت ولو كنت في البيت نفس الشي يرمي

العابه ويستانس الحين يلعب هو يحب يرميها على الجدار وكل شي في البيت يقلبه مثل سلة الزباله الصغيره او مركا

او لعبه من العابه تكون كبيرة شوي ويطلع فوقها ويتسلق على مكتب الكمبيوتر او على طاولة المطبخ ويالله يبدأيخرب

ويرمي كل شي على الطاوله ويكلمني زي ماكلمه يهاوشني بنفس الاسلوب اللي اعامله فيه يعني اقوله ليش

رميت العابك شوي الا هو يقولي نفس الكلام وبنفس اسلوبي انا احيان تفلت اعصابي واصرخ عليه واضربه بس والله

اتضايق ياربي وش اسوي والله تعبت واحترت بأي اسلوب اعامله ماينفع لا العقاب ولا الصراخ ولا شي حتى الحمام

علمته عليه بس ماصار يروح الا اسبوع وبعدين صار يسويها على نفسه ويلعب فيها كمان والحين صرت البسه بامبرز ويضرب

اخوه الصغير ويعضه ويرمي عليه العابه واخوه توه عمره 4 اشهر واخاف عليه منه ياليت تساعدوني واكون شاكره لكم