احذركم من رجيم دشتي المعتمد على البروتينات
كنت امشي عليه
وبعدها بفترة
بدء الالم بمفصل كوع يدي اليمنى
الم غير طبيعي
لالالالالالالا يطاق
حتى ماكنت اقدر اكل بيدي
وسجود الصلاة صعب
ملابسي صرت اكرهه اغيرها من الالم
مااقدر انام ماغير ابكي
ولا اطيق حتى يدي اليسار تلمس اليمين ولا اي احد يلمسها
ولا ارتاح لين اروح الطوارئ واخذ ابرة فولترين
في الورك وبعدها ارتاح وانااااااام
مراجعات للمستشفى لمدة شهر واشاعات وكله يقولون سليم يمكن تمزق اربطه ومن هالكلام وماعندهم غير مسكانات
حتى مثلا يكون الالم اخف طول النهار وأكون ما اكلت شيء فيه بروتين من تجي الساعة 12 الظهر اتغدى بروتين
واذا جت 2 الظهر يزيد الالم عاد زوجي يقول لي الله واكبر من اجي من الدوام تعوك يدك وش هالصدف
بعدها هدانا ربي الى استشاري عظام بعيادة خاصه
رحت له وانا ابكي
وسوى لي تحاليل
قالي نسبة اليورك اسيد في الدم عندك عاليه جدا
قال لالالالالالالازم اشعة رنين مغناطيسي
ورحت لمركز اشعة وسويتها طلعت بقع بيضاء في الكوع
الصراحه خفت
رجعنا للطبيب
وشاف الاشعة قال فيه حاجه هنا مترسبة
وزين لحقتي على يدك والا كان راحت عليك
كان تكلست عندك الاعصاب وتلفت يدك
وكل شوي يسالني ايش تاكلين
واقوله اسوي رجيم وفي بالي اقول وش دخله هالملقوف
المهم كان الكلام الخميس قال حدك للسبت ولازم عملية والعملية سهله وبسيطه ويدك بترجع بعدها طبيعي
قالت يادكتور مافيني صبر
اذا فيه عملية اليوم
قال انتي صايمه قلت ماذقت شيء
تعبانه مالي خلق
المهم قال اجل الساعة 6 المساء نسويها في المستشفى الفلاني
ورحنا للمستشفى اللي يتعامل معه الدكتور
ودخلت على غرفة العملية طبعا تخدير عام وكامل
قبل التخدير بلحظه قال لي ايش تاكلين في الرجيم
قلت له بروتين
قال اهاااااااااااا
وسويت العملية
والحمد لله والشكر خفت يدي بعدها
بس الم العملية والخيوط
وبعد اسبوع موعد مراجعه
قال الدكتور لنا اخذت عينه من السائل
اللي في المرفق وحللته وطلع فعلا املاح بصراحه انا كنت متخوف من العملية ولا اعرف ايش بداخل المفصل
<--------------- حست انها كانت متوهقه
بس كان لازم اشجعكم ولازم افتحه اشوف ايش فيه
وطلع مثل ماتوقعت
اصلا لانه هذا الرجيم يعتمد على بروتين
فيصير فيه خلل غير معلوم سببه في الكبد بمنع افراز انزيمين مسؤلين عن هضم البروتين
يزيد الضغط على الكلى في فلترة الدم من الاملاح
فتعجز ويصير فيها خلل وترسبه في المفاصل
بس الغريب انتي الآن عندك النقرس ( داء الملوك )
وهو يجي في عمر فوق الاربعين وانتي لسا بالعشرينات بصراحه حالتك غريبه
وهو غالبا يجي بااصبع القدم الكبير
وعندك جاء في مفصل المرفق
واعطاني حبوب قال اذا اكلتي لحوم خذي معها حبه
وبعد العملية جلست شهرين اسوي ليدي علاج طبيعي بالمستشفى
لين رجعت حركتها طبيعية بنسبة 95%
بس الحمد لله على كل حال
حبيت احذركم
وانقل لكم تجربتي
وشكراً
منقووووووووووول
لعيونكم
وعندي املاح بعد الحمد لله
والله يجزاك خييييييييييييييييييييييييييييير على اتنبيه مشكوووووووووووووورررررررررررررررررة