احذروا حبوب جنيرا

السلام عليكم ورحمة الله وبركاته
حابه ادخل بالموضوع ع طول واقول لكم مما عانيته وحابه غيري يستفيد والله اللذي لا اله الا هو كل كلمه اكتبها صادقه فيها
انا اخذت حبوب منع الحمل جنيرا اول شهر من ورى زوجي وكان كل شي تمام بس كنت اطفش من اي شي يعني الصراحه طفشانه من الدنيا حتى وانا طالعه طفشان والله مو قلت إيمان طفش مو طبيعي
ثاني شهر اخذتها وعلمت زوجي فيها وقال انتي مسؤله اذا صار فيك شي انا مالي دخل انتي تتحملين اللي يصير لك ويوم من الايام كان زوجي عنده أصحابه بالمجلس وبعد ماجهزت القهوه والشاهي وخلصتها لهم انبسطت قلت اجلس مع نفسي اتقهوى وأحلي واطقطق بالجوال وفجأة ضرب قلبي خفقان قوي والله العظيم قلت خلاص هذا اجلي مو اي خفقان قلبي بيطلع من مكانه وخف الخفقان ورحت اسمي واذكر الله ويرجع الخفقان والله انظر ببنتي واتشهد وشوي وأبكي دخل زوجي قال ايش فيك ليش وجهك كذا قلت مافيني شي مابينت له شي جاني خوف مو طبيعي واستمر الخفقان بس بسيط طول استخدامي للفتره الثانيه من استعمال الحبوب


جاء استعمالي للفتره الثالثه اللي هي هذا الشهر احس اني بموت جاني وسواس الموت وقلبي يوجعني مع خفقان بسيط بين فتره وفتره ودوخه اول مره تصيبني وضيق نفس قلت اني محسوده وبعدين قلت لا نقص فيتامين د وبعدين قلت لا فقر دم وانا بس بديت فيها تسعه ايام شفت الموت وبحثت بالنت في حريم تقريبا نفس الأعراض جاتهم ارسلت لصاحبتي قالت انها تركت نفس الحبوب لان جاها صداع وخفقان بالقلب انا تركتها امس وماابغى اكمل الشريط الله لايعودها من حبوب ذبحتني ومعاي الم بقلبي بسيط رغم انها اول حبوب استخدمها لان قبل كذا استخدمت حبوب رضاعه فقط اما حبوب منع حمل عاديه هذي اول مره لي يمكن ماناسبتني ناسبت غيري بس خلاص معاد استخدم اي حبوب مالي الا الدعاء وان شاءالله ألقى اي شي طبيعي غير هالحبوب
ولاتنسوني من الدعاء لاني الا الان تعبانه بس الحمدلله خفيت نسبه بسيطه من بعد ماتركتها لان لسى مفعولها بجسمي