احساس الندم قاتل بس الى متى ؟؟؟؟؟؟؟؟؟؟؟

:06:اسمعوا حكايتي وابكو عحالي قصتي اتزوجت واحد عن حب جنوني وكان من اقاربي رفضت كل الناس عشانه كان ابوي رافضه وبعد 4محاولات خطوبه ورفض توسط بناس كباريه (شيوخ )عشان ابوي يوافق وافق ابوي وكان متاكد ان الزواج فاشل ومافيه انسجام بينا بيصير لان تربيتي وضعي مش زيه وراح اجد صعوبه كل ماتمنيت جابه لي بزواجي كل انواع الهدايا والمفاجات جابها وماكنت عارفه عن ظروفه الماديه شي متوقعه ان وضعه كويس خصوصا انا وياه يجمعنا مكان عمل واحد ونفس المهنه مااخفيكن حبيته بجنون كان يقول لي من تغيب الشمس انتي لي كنت اكلمه بالجوال الليل كله لين تطلع الشمس والفواتير بالالاف وكنا نسدد يعني ممكن 7000 فاتورتي وكان عادي اسدد وابقى اشحذ اخر الشهر بس مقابل مايبعد عني وهو نفس الاحساس كان بعملنا الكل يحسدنا خاصه وانه كان معي بكل لحظه واختارني من بين عشرات البنات وخاصه انه جذاب والكل يتمناه توفى والده بعد الملكه وتاجل زواجنا بعد سنه وتحملنا بمعاناه شديده تزوجنا وكان حلم بالنسبه لنا حتى ليله زواجنا صورناها بالفيديو من الالف الى الياء من فرحتنا كل انواع الرفاهيه وفرها لي بشقه جميله انحسد عليها كانت احمر وابيض اثاثها يعني شي بالاحلام بعد يوم واحد من زواجنا كرهته كره غير طبيعي لانه طلب مني ابيع ذهبي لانه مفلس رفضت بعدين وافقت بعته تطور الوضع لما انام جنبه احس بنار في جسمي وكان دبابيس بفراشي كرهته طلبت نسافر طلعنا برا السعوديه طبعا على حسابي فض يشتري لي اي شي صرت ابكي الليل والنهار بس فيه لحظات حلوه واحنا راجعين طلب مني احجز تذاكر لان ماعنده شي ركبنا قبلها لنش واكتشفت بجوازه انه مسافر بر السعوديه مع انه حلف لي انه ماراح ابد اصبت باحباط وحاولت انتحر وارمي نفسي بالبحر ااااااااااااه وبعدين استغفرت وكملت السفره ورجعت وكل الجروح في قلبي طلب مني اشتري له سياره رفضت طلب اخذ له قرض رفضت وبعدين صارت كل مشاكلنا ماديه كان يعطي راتبه لاهله ويبي انا اصرف وهم اصلا مستغنين عنه بعدها اخذت بطاقتي الصراف وحطيته عند اهلي لاني تاكدت انه ماكان حب كان يتخيلني بطاقه صراف تمشي صار يكلم بنات ويغازل وانا صابره كنت حامال وقته بنتي مرت الايام ولدت كنت ابكي من شده الالم كان يقول عبي السياره بنزين ماعندي فلوس ولدت بمدينه ثانيه بمشفى خاص جبت اجمل مااهداه القدربنتي الاولى وعلى فكره ضربني اثناء الطلق لاني طلبت عمليه موقادره يقول بدون صوت ولدت لما جاني كان طاير من الفرحه وشايل البنت ويحطها على بطني ويبوسني ويقول سامحيني خايف عليك من العمليه صدقت تعبت كثر الكلام بمكان عملنا اخر شي طلع مغازل وحده ووانفضح وزعلت رحت بيت اهلي جلست 4شهور حب النعول اترجاني بس ارجع كان يبكي زي الطفل اتجنن رجعت بعد ماجبت الولد الثاني وضربني ثاني يوم من رجوعي عشان قلت لاتودي الولد لامك اغيرله اول هاوشني قدام الشغاله وقال اذا موعاجبك ارجعي طلعني من بيتي وسكني بشقه فوق اهله تحملت كنت بدون خادمه اطبخ بعد ماارجع وكنت حامل بالثالث هدا زوجي شوي بدانا نستقر طفلين الثالث جاي طبعا مازلت الفاكهه المفضله بدات احس بالبرود تجاهه اصبحت اكذب اصطنع وهو سعيد لدرجه انه يصحى من النوم يحتضني ويقبلني ويعود مره اخرى للنوم يحبني ويكرهني يدللني ويعذبني يعطي ويطلب قدم وجه السعد ابني الثالث ولد طبعا قررت بعد ان امنع نفسي 5سنوات من الحمل ومازلت في صراع بين الماديات والحب وعلى فكره يرفض ان يصر ف على الاولاد بحجه ان عندي راتب اصبحت اخذ من راتبي مصروفي انا وابنائي وراتب الخادمه وكل شي اريده مع العلم انهيصرف على المنزل فقط اغراض المطبخ شرايكن بقصتي مازلت بهذه الحاله بسالكن صح اصراري انه ماياخذ بطاقتي وهل صح انا مش بطاقه اذاكان يبي الانسان اللي بداخلي راح يحاول اسعادي مش يبهدلني ولولا اولادي وشماته الناس ماجلس عنده يوم بس اولادي ما قلتلكم امه تحرضه وشيطانه تقول خذ منه بطاقتهوراتبه ليش عند اهله واصرف علينا منه هالحين تعبت طالعلي بموضوع البيت يبيني اخذ قرض وابني معه ويسجله بااسمه هو مو لي وشلون اثق وهو بيوم طردني بالشارع وذلني شرايكم بحياتي بين الحب والعذاب :44: