احسه زعل

السلام عليكم
انا عادتي اروح كل اسبوع الاهل زوجي ومافيه غير ام زوجي وبنتها عمرها 13 سنه البنت يانايمه ياتدرس وام زوجي معطيتني اشكل ياتنظف ياتتروش وتجلس معاي بس مافيه سواليف السوالف نفسها تنعاد احس الاسبوع كنه يوم ممداني شايفتها الاسبوع اللي فات الى اجيهم اليوم وانا اجايهم من الساعه 5 الى الساعه 10 بالليل وطوول وقتي متملله وام زوجي مسكينه برضو متملله عاد انا اليوم كان المفروض اروح لهم قلت الزوجي والله يابن الحلال احس انه كل اسبوع اروح الاهلك واجلس هاالمده الطويله صعبه اشرايك نروح مع صلاة المغرب ونطلع مع اذان العشاء رفض هو وقال لا قلت مو انت تطلع من بيت اهلك مع اذان العشاء انا اطلع معاك قال لا ماتتركين امي لازم تجلسين وتسولفين معاها قلتله يابن الحلال الصراحه مافيه سواليف وطول وقتنا جالسين ساكتين والله ملل وبس حاطه يدي على خدي بجد امل اروح بيتي واكوي الثياب ولا انظف اصرف من هاالجلسه حلو انك تخليها كل اسبوعين اروحلهم ومااطول عندهم
قال هو خلاص سووي اللي تبين وصفق بالباب بأقوى ماعنده:icon33:
حسيته زعل
عاد اختكم في الله ماصدقت خبر رحت طيران ودقيت وردت اخته قلتله حبيبتي خبري خالتي انه ماراح اجي اليوم قالت طيب ..عشان اذا جاء وغير رايه اقوله انا خلاص خبرت امك هههههه..
بس اللي مضيق خلقي احسه زعل وشره علي كيف اصلح الوضع مابي اروحلهم واطول وبنفس الوقت مابي ان زوجي يزعل
الله يشهد علي اعتبر اهله مثل اهلي بس ورب الكعبه احس ام زوجي وابو زوجي يتضايقون من جلستي وصياح بنتي ..وانا بعد الصراحه اتضايق من الجلسه الطويله ومااخذ راحتي ولو عندهم بنات قدي كان ممكن اتسلى بس مافيه البيت احد ..
ابي حل اخلي زوجي يغض نظر عن الروحه كل اسبوع واخلي يقتنع اني اروح كل اسبوعين ومااطول بعد ابي حلولكم يا حوائيات