احس احنا البيت السعودي الوحيد اللي كله مشاكل

هل يوجد بيت سعودي خالي من المشاكل
والزعل بين الام والبنت او الاخت والاخو
او الاخوان او الاخوات او مشاكل بين الام والابو
قسم بالله تعبت احس حنا الوحيدين البيت السعودي
اللي كله مشاكل وصياح وطقاق
مره مع خواتي مره اخواني مع خواتي مره نقاش
عادي مع امي يتحول مشكله وزعل وصياح
مره مع ابوي وامي مشاكل سخيفه تكبر
وتوصل لاهل امي المشكله
مادري حنا اللي بس كذا او هذي الحياة
صديقتي تقول والله العظيم كل يوم حنا مشاكل
لكن مانترك للشيظان مدخل ع طول كم ساعه
ونحاول نتقرب ونطيح بروسنا
ودايم تقول بما ان امها حرمه كبيره
دايم تتمشكل مع كل بناتها
لكن تقول بساعه نرضى ونطنش
حنا مشكله بيتنا العناد كلنا من ابوي
لين اصغر بزر فينا راكبنا العناد
كلن مايتنازل كلن ينفخ نفسه ع الثاني
يعني حتى امي وهي امي لما نتناقش ويتحول لمشكله واحاول اراضيها
اجي مثلا بكلمها وكذا ماترذ علي ماتعطيني وجه
وعارفه لو فكرت ابوس راسها بتوخرني
نجلس احيانا اسابيع
عشان يطيح اللي بروسنا
وانا نفس الشي فيني عناد يكفي العالم
شي داخلي يقولي لانصيرين غبيه وتتنازلين
هم اغلطو
لاتصيرين لعبه
لاتصيرين مغفله
دايم انتي تبادرين خليهم هم
امك تحب اختك فلانه لانها قويه ولا لها الا اللي براسها
خلك مثلها
شوفي امك كيف تعامل فلانه ماتبيها تزعل
اما انتي بس فالحه عليك
هالاشياء يخليني اعند زياده
اللي يعانو من مشاكل
اسريه
كيف تحلونها كيف تتنازلو
مشكله بيتنا كلن بيمشي رايه ماحد يبي رايه يمشي
ع الثاني