احس اني جايبه الهم لنفسي

بدخل بالموضوع ع طول
انا بنهاية العشرين عندي اخت عمرها ٢٠
بداية
انا متزوجه من خمس سنوات
حياتي حلوه اهل زوجي ناس يهبلون
محترميني ومعتبريني بنتهم ويفقدوني
واذا جيت اللي تجيب لي قهوه واللي تقطع لي حلا
وامه اللي هي خالتي اذا جيت مالي مكان
تقوم عن مكانها وتحلف تجلسني
عندي ولدين واذا طلعت مسكو عيالي
واذا وحت لصديقاتي او ظلعه رسميه
ولا ابي اخذ عيالي احطهم عندهم ويحطونهم بعيونهم
اهلي مايتحملو بزران فالله عوضني باهل زوجي
زوجي انسان عاقل عاقل بكل معنى الكلمه
لاهو راعي سفر ولا دخان ولا عنده شباب
وسهر برا طول وقته عندي او عند اهله بالملحق
يتجمعو مع خواله يعني كل علاقته بعيال اقاربه
يصرف علي مايقصر من ناحية الطلبات والتوصيل
لو اطلبه بنص الليل ماقال لا
مشكلتي الازليه
من يوم كنت صغيره اختي
والحلوات
اشين شي بالحياة تكون اختك جميله
وانتي اقل من عاديه او بمعنى اخر تطلعي شينه
جنبها وكلن يقولوكم ماتتشابهو
انا مو شينه
لاكن جنب اختي اطلع بكل صراحه شينه
انا جسمي صغير ومرتبه وملامحي ناعم
لاكن اختي جميله
فصار ابليس يوسوس فيني
دايم متضايقه اقول لو الله خالقني مثل اختي
كان حظي صار احسن
لو الله خالقني مثل اختي كان زوجي جد انهبل علي
زياده
دايم ذا دلعني زوجي وقالي كلام حلو
على طول يجي ببالي هذا وانا عاديه يسوي لي
ويقولي كذا اجل لو يشوف اختي؟
لو يشوف البنات الحلوات وش بيسوي؟
والله بدون شعور واكرهه هالشعور
اتضايق اذا شفت حلوه او فكرت باختي
دايم اذا شفت حلوه اقول ياحظها
احس تستاهل الكلام الحلو اللي يقوله لها زوجها
وبتكون واثقه من شكلها
بس انا!!
اول مايقولي كذا او يضحك معي يجي ببالي
الحلوات واقول لو اني حلوه كان سوا لي اكثر من كذا
لو اني حلوه كان استانست جد ع ذا الكلام
ودايم فيني خوف زوجي يشوف اختي
لانها متهاونه بالحجاب وبصورها بالسناب
وعادي جدا امي تحط صور خواتي لان امي
ماعندها احد غريب فدايم فيني هالشعور
وصعبه اقول لاختي
لاتحطين او لاتطلعين قدام زوجي
بتقول غيرانه
وتصير بيننا حساسيات وحواجز
وانا بالموت كسبت خواتي مابي اخرب هالعلاقه
عشان تفكيري