احس اني كرهة حياتي

السلام عليكم 


انا متزوجه من سنتين ونصف ، وعندي ولله الحمد ابن ، مشكلتي هي مع زوجي💔
تزوجنا وفترة الملكه كلها احلام ورديه و كلام م ادري ايش اقول بس ، اللي اعرفه انه طيرني فووووق فووق لسابع سماء وحسسني اني اميرته ولدرجة انه كان يقول م نفسي تمشين ع الارض نفسي اشيلك شيل ، وخلاص انا مره مسكينه صدقته وعشت ف احلام وبس اقول ي ربي متى الزواج ، وللاسف من الزواج طلعني وكان مستاجر شقه 💔 ولا طلعه ولا مطاعم ولا شي وهو كان يقولي ترا استاجرت فندق 😭 وانصدمت لما لقيتها شقة وغرف عوائل وقلت يلا م عليه وكل يوم انصدم منه اكثر لا شهر عسل ولا شي ويومين ف هذي الشقه و رجعت للبيت طبخ وكنس ويوم واحد رحت مكه واعتمرت ورجعت من نفس الوقت وكان اسلوبه مره يخوف كنه عصبي ولا يسولف نجلس ساكتين انا طبيعي لاني عروسه مستحيه وساكته بس كمان كنت مقهوره ومو عاجبني الوضع طول الوقت ساكيتين لين صرت انا اسولف ، ويعني كنه يتكلم معي بس كمان ع الخفيف ومن تزوجت لين ذحين وانا ف مشاكل وتعب هو من النوع اللي ينتقد اي شي واذا شي عجبه يسكت مستحيل يمدحني مستحيل ، وقلت له يعني انا كلي سلبيات ولا مره سويت شي يعجبك ولا فيني شي يعجبك قال لا فيك اشياء كثره حلوه وطبخك حلو ونظيفه بس م احب امدح ، طفشت والله طفشت حتى السوق م يوديني الا بعد ست شهور واذا وداني يخاصمني ف السوق ونص ساعه واطلع والله اطلع وانا م كملت شي ، واحسه يدور مشاكل ، صرت اكرهه ولا احاول اني اغير حياتنا كنت اغير الجو واذا زعلني وطبعا يكون ع شي م يسوى اصبر مع اني حساسه وابكي ع طول بس صرت اصبر لانه مهما كان انا الغلطانه ف نظره ، وكنت اسوي القهوه والحلا واجلس احاول نسولف ونتكلم شوي وم يعطيني وجه يجلس يقراء ف سبق وطول الوقت كذا يداوم يرجع يتغدا ينام يصحى العصر يطلع ع طول احاول فيه يجلس معي نتقهوى اوقات يجلس وارقات لا واذا جلس كله انتقاد والا م يتكلم ، وصار لي اسبوع طفششششت خلاص وصرت اعامله نفس معاملته لي ، م اتلكم ابدا ولا اسولف كل واحد ف حاله مو زعلانه بس بسوي زيه واشوف نهايتها ، وافكر ب الطلاق بس شايله هم ولدي .. ساعدوني الله يسعدكم لاتقولون البسي واهتمي بنفسك لانو الحمدلله من هذي الناحيه مو مقصره
وقولولي هل مشكلتي تستاهل والا انا مكبره الموضوع ،، والله تعبت والله يعوضني ،،وقولولي اذا كان لي اجر ع صبري عليه ،، والله لدرجة انه اعطاني فلوس ورجع اخذها ،، احس اني ندمت ع ثقتي فيه وامالي اني بعيش ف جنه 😭😭😭