احس بالظلم و التفرقه

صارت بعض الظروف صرنا نتجمع فبيوت خواتي
زوجي مو حاب هالشي و صار ما يبي يوديني لهم يقول لو بيت ابوك انا اوديك و ارجعك و تقعدين معاهم لين ما تملين بس بيوت خواتك لا عيب فشله هذا بيت النسيب عيب تقعدين لوقت متأخر و مو اوبر اللي يجيبك لازم اخوك .. و واصلا كيف خواتك يسهرون لصبح ببيوت الناس ..
المهم ، سبحان من فتح عيوني على شي غافله عنه
جت اخته الساعه ١١ الليل و قالت له اختهم تحت عند الباب جايه تاخذها و بتنام عندها و زوجها معاهم بالبيت و قال لها روحي و هو يضحك و مبتسم و كان الساعه ١١ و هي لسا ما طلعت حتى من الشقه اجل متى توصل لبيت اختها ؟؟
قلت له نعم خير اللي يسري علي يسري عليها
و تجي تقول لي عيب تقعدين فبيت النسيب و تتكلم عن اخوتي و انت ضعيف قدام اختك ما تقدر تقول لها لاء على فكره انا بروح لخواتي و برجع متى ما بغيت مثل ما تسوي اختك .. قال لي خلاص و صرخ بوجهي و نام ، بعد كم ساعه صحى من النوم كلمته و انا اصيح قلت له حرام عليك انت كذا قاعد تظلمني و انا احبك ليش كذا تخيب ضني قال لي خلاص قفلي الموضوع نتكلم بعدين ،، المهم انا حيل ضايق صدري هل لما قال نتكلم بعدين ان ممكن يغيير رايه حاسه بالظلم و الله العضيم شنو اسوي ؟؟