احس جمره بقلبي

صباحكم خير يا بنات
وربي اكتب وانا جمره في قلبي من قو الالم والجرح احس نار نار نار شابه
انا متزوجه لي سنه ونص وزوجي كتوم ولايسولف بس عالجوال وساكت ومع الناس غير
اسمع سوالفه من الناس تخيلو واخباره من الناس يعني لو مايحكي اقول هذا طبعه بس هو مو كذا معهم بس معي وبدون سبب
ودايم يعيرني اني صغيره وبين فتره وفتره يقولي انتي عقلك صغير لانك صغيره تعبت منه يابنات حاولت بكل الطرق اغير حياتنا هو هو ماتغير


احبه واجس انه يجبني يعني مختارني بنفسه ومنتظرني سنين بس لما اخذته انصدمت
يسولف عن الجنس فقط وربي مايسولف الا عنه وغيره لا ماعمره سالني محتاجه شي ناقصك شي تبين شي يابنات والله اني معد اتحمل صبرت لين الصبر مل خلااص
انقهر لما اشوف اختي تسافر وتروح وتجي وتشري وتحط وانا لا انقهر لما اشوف فلانه وعلانه تتمشى مع زوجها تطلع تروح و تجي وانا منطقه بين ٤ جدران لا انيس ولا ونيس
كنت ما ارضى اقارن نفسي باحد لكن من تزوجت وانا اشوف كيف العالم يعيشو حياه روتينيه بالنسبه لهم وانا حلم بالنسبه لي تعبتت من التعب والله
ومصروف ما اخذ منه لمحت كثير بس يسوي نفسه مافهم بس مابي اضغط عليه اراعيه كثير بس هو مايشوف يعني يقول انتي تضغطيني وانا ورب البيت اخر مره شفت السوق برمضان عشان اشري للعيد متخيلين ومع هذا ساكته العالم حولي تلبس جديد تكشخ وانا عادي مو مهم بس اهم شي ما اضغط عليه ويتهمني اني اضغط انقهر انقهر بس ينتقدني ويحب يطلعني خطأ في اي شي يصير
وانا ادرس ما يراعي ضروفي ولا مشاعري ولا شعوري
يخلق مشاكل كثير وانا تعبت معاه واذا زعلت يقول لي روحي لاهلك ولا خليك عند اهلك اعطيك خيار واختاري والله مليت وتعبت وانا اعرف انه يحبني بس ياخي تصرفاته تقول العكس احترت والله احترررتت ودي احمل احس راح يهتم فيني بس الله ما رزقني واحيان افكر اقول اتطلق قبل احمل احسن لي مستحيل تكمل حياتي مع ششخص عكسي تماما انا طبعي اجتماعيه احب اسولف واحب اسمع السوالف احب ادرس احب اطلع انصدمت بزوج مايهتم مايطلع مايحب الدراسه ويبيني اتركها ويحب يسكت مايسولف
ادري كلامي كله على بعض وماتوقع الكل بيفهم وش قاعده اقول بس يابنات انا ارجف وانا اكتب من البكاء حارق قلبي بحركاته واذا زعلت ماعمره راضاني يشوفني ابكي يعيرني ببكاي ويلف ينام مايقول كلمه طيبه والله مايراضيني ولا يهمه رضاي حتى لو هو غلطان يحط الغلط علي
بيني وبينه ٩سنين انصحوني شسوي انا احبه كثير كثير واحاول معاه كثير بس تعبت
كتبت لكم جزء بسيط من حركاته ماخفي اعظم وماينكتب
واخيرا ( حتى وقت العلاقه ما اسمع صوته ولا يقول لي كلمه عالصااامت ) قريت مره وحده تقول اذا زوجك ساكت وقتها عقله يفكر بغيرك انا مت انهرررتت يعني الشيطان يقول لي اشياء ويخلي اشياء تطري على بالي وتوجعني رغم ان عمري ماناقشته بالموضوع ذا بس لما قريت كلام الوحده ذي جا ببالي بمين يفكر وايش وانهار ادري مافهمتو بس تكفون قولو اللي قريته غلط لان لو يتخيلني وحده بباله مدري وش بيصير فيني
مجرد فضفضه بطلع اللي بقلبي اللي عندها حل تكفون لاتبخل علي بالرد احتاج وقفتكم😭💔💔😫