احس راح يجيني اكتئاب

السلام عليكم ورحمه الله

بنات من جد انا مره تعبانه
طفشانه حياتي ملل
روتين غبي
زوجي شغله بعيد ويغيب عن البيت بالايام
واجلس انا واطفالي بالبيت اقابل الجدران
وحتى لما يجي بس يطلع مع ربعه وانا اقعد لحالي
صار مايتغدى ولايتعشى بالبيت بس ياكل برى
وانا صرت ماعاد اشتهي اكل واحيانا اقعد من يوم الى بكره على كيت كات والا سندويشه جبن
مااشتهي اكل
طبعا مااقصد ان مافي مقاضي لا طبعا مايقصر عالبيت والشغاله كل يوم تطبخ بس مااشتهي اقابل الاكل بروحي
مليت مليت
مافي احد اكلمه ولا اسولف ولا افضفض
ولا عندي رفيجات قاطعني عنهم
حتى عيالي يملون من البيت
وعند اهلي ظروف وماصرنا نطلع مثل قبل

كلمته كم مره قالي انا حاس فيج بس بتغير ومدري شنو
ومااشوفه تغير والا تعدل

خلاص من جد مليت من البيت من حياتي ودي اشق ملابسي من الضيقه
المشكله مو راضي يطلق ومو راضي يتعدل
من يجي من شغله الين يرد يروح وهو مع ربعه ومايجي الا اخر الليل للنوم

حتى وهو مسافر لما اكلمه ماحس ببيننا مشاعر برود فظيع
انا مااشوف تلفزيون وماني موظفه
ومالي رفيجات ومالي جارات
ماغير بالبيت لحالي بس اقعد اهوجس وافكر واوسوس


ااه بس ياضيقه الصدر خفي عن قلبي شوي